ಪಾನವ ಮಾಡುವೆನು ನಾ ಮನದಣಿಯ ನಾಮಾಮೃತವ ankita hayavadana PAANAVA MAADUVENU NAA MAMANADANIYA NAAMAAMRUTAVA

ಪಾನವ ಮಾಡುವೆನು ನಾ ಮನದಣಿಯ 

ನಾಮಾಮೃತವ ಪಾನವ ಮಾಡುವೆನು ಪ.

ಶ್ರೀನಿವಾಸನ ನಾಮಸುಧಾರಸ

ಏನುರುಚಿಯೋ ಕಾಣೆ ಜೇನುತುಪ್ಪದಂತೆ1

ಸಕ್ಕರೆ ಬೆರೆಸಿದ ಚೊಕ್ಕಪಾನಕವನ್ನುಮಿಕ್ಕು 

ಮೀರುತಲಿದೆ ರಕ್ಕಸಾರಿಯ ಧ್ಯಾನ 2

ಕದಳಿ ಖರ್ಜುರ ದ್ರಾಕ್ಷಿ ಅಡಕೆಯಿಮ್ಮಿಗಿಲಾಗಿ

ಮುದಕೊಡುವುದು ಜಿಹ್ವೆಗೊದಗಿದ ತತ್‍ಕ್ಷಣ 3

ಕಾಸಿದ ಕೆನೆಹಾಲ ದೂಷಿಸುವಂತಿದೆ

ಏಸುರುಚಿಯೋ ಹರಿದಾಸರೆ ಬಲ್ಲರು 4

ಹಯವದನನ ನಿರ್ಭಯದಿಂ ಭಜಿಸಲು

ದಯಮಾಡುವ ಸಾಯುಜ್ಯಪದವನಿತ್ತು5

***