ಹನುಮಂತ ಪಾಹಿ ಗುರು ಮನುಮಂತ ankita shyamasundara

..

ಹನುಮಂತ ಪಾಹಿ ಗುರು ಮನುಮಂತ ಪ

ಹನುಮಂತ ಅನಿಮಿತ್ತ ಬಂಧು | ಶಿರ

ಮಣಿದು ನಮಿಪೆ ದಯಾ ಸಿಂಧು ಆಹಾ

ಅನುದಿನ ಎನ್ನವಗುಣ ಎಣಿಸದೆ ಕಾಯೊ

ಅನಿಮಿಷ ಪತಿ ಸುರಮುನಿಗಣ ಸೇವಿಪ ಅ.ಪ

ಸಂಜೀವನ ಗಿರಿಧಾರ | ಹೇ ಧ

ನಂಜಯ ನಾಗ್ರಜ ಧೀರ | ಖಳ

ಭಂಜನ ಕರುಣ ಸಾಗರ ಭಾವಿ

ಕಂಜಜ ಭಕ್ತ ಮಂದಾರ ಆಹಾ

ಅಂಜನೆಯಳ ತನು ಸಂಜಾತ ಸಲಹಯ್ಯ

ಸಂಜೆ ಚರಾರಿ ಪ್ರಭಂಜನ ಮೂರುತಿ 1

ಕಾಳಿವಲ್ಲಭ ಕಪಿವರನೆ | ಕರು

ಣಾಳು ನಂಬಿದೆ ಯತಿವರನೆ | ಖಳ

ಕಾಲ ಪಾಲಿಸು ವೃಕೋದರನೆ | ಛಳಿ

ಶೈಲಜೆ ಕಾಂತ ವಂದಿತನೆ | ಆಹಾ

ಕೇಳಿ ಮಡದಿ ಮೊರೆ ತಾಳಿ ಸ್ತ್ರೀವೇಷರೂಪ

ಖೂಳ ಕೀಚಕನುದರ ಸೀಳಿದ ಗುರುವೆರ 2

ಗಂಧವಾಹನ ಅಸುನಾಥ ನಿನ್ನ

ಪೊಂದಿದೆ ಪಾಲಿಸು ಸತತ | ಕುಂತಿ

ನಂದನ ದ್ವಿಜವೃಂದ ವಿನುತ | ಶಾಮ

ಸುಂದರ ವಿಠಲನ ದೂತ | ಆಹಾ

ಇಂದು ಕುಲಜವಿಲ್ಲ | ಒಂದೆಂಬವರ ಜೈಸಿ

ಇಂದಿರ ಪತಿ ಪರನೆಂದು ಸ್ಥಾಪಿಸಿದೆ 3

***