ಆಡ ಹೋಗುವಾ ಬಾರೊ ರಂಗಾ ankita shreeda vittala

 ..

kruti by Srida Vittala Dasaru  Karjagi Dasappa

ಆಡ ಹೋಗುವಾ ಬಾರೊ ರಂಗಾ ಪ

ಆಡ ಹೋಗುವಾ ಬಾರೊ ರಂಗಾ

ಕೂಡಿ ಕಾಳಿಂದೀ ತೀರದಲ್ಲಿ

ನಾಡ ಗೊಲ್ಲರ ಹೆಂಗಳಿಗೆಲ್ಲ

ಬೇಡಿದಿಷ್ಟಾರ್ಥಗಳ ಕೊಡುವಾ ಅ.ಪ.

ಆಣಿಕಲ್ಲು ಗೋಲಿ ಗಜ್ಜುಗ

ಚಿಣ್ಣಿಕೋಲು ಚಂಡು ಬುಗುರಿ

ಕಣ್ಣುಮುಚ್ಚಾಲೆ ಕುಂಟಹಲಿಪೆ

ಬಣ್ಣ ಬಣ್ಣದಾಟಗಳನು 1

ಸೋಲುಗೆಲವಿಗೆಲ್ಲ ನೀನೆ

ಪಾಲುಗಾರನಾಗಿ ನಮ್ಮ

ಮೇಲೆ ಮಮತೆ ಇಟ್ಟು ಸಾನು -

ಕೂಲನಾಗಿ ಕೈಯ್ಯ ಪಿಡಿಯೋ2

ಮೆಟ್ಟು ಮೆಟ್ಟು ಕೋಲು ಕೈಲಿ

ಕಟ್ಟು ಬುತ್ತಿ ಕೊಳಲು ಕಂಬಳಿ

ಧಿಟ್ಟ ಗೋವಳರಾಮ ಶ್ರೀದ -

ವಿಠಲಯ್ಯ ಯಾಕೆ ತಡವೋ3

***