ಕೋಪ ಮಾಡುವರೆ ಕೃಪಾಳು ನೀನು ಕೋಪ ಮಾಡುವರೆ ankita lakshmikanta

 ..

kruti by ಲಕ್ಷ್ಮೀನಾರಯಣರಾಯರು Lakshminarayanaru 

ಕೋಪ ಮಾಡುವರೆ - ಕೃಪಾಳು ನೀನು

ಕೋಪ ಮಾಡುವರೆ ಪ

ಕೋಪ ಮಾಡುವರೇನೋ ಸಂಸøತಿ

ಕೂಪದೊಳು ಬಿದ್ದ್ಹೊರಳುತಿಹನ

ನೀ ಪರಾಮರಿಸಿನ್ನು ಕೀರ್ತಿ ಕ-

ಲಾಪವನು ಕಾಪಾಡಿಕೊಳ್ಳದೆ ಅ.ಪ.

ನಾಥನು ನೀನು ಎಂದೆಂದಿಗೂ

ದೂತನು ನಾನು ಸಿದ್ಧಾಂತವು | ನೀತವಿದಿನ್ನು

ಕೋತಿ ಕುಣಿವುದು ಕೊರವ ಕುಣಿಸಿದ

ರೀತಿಯಲಿ ಜಗತೀತಳದಿ - ವಿ

ಖ್ಯಾತಿಯಲ್ಲವೆ ಮಾತು ಪುಸಿಯೇ

ನೀ ತಿಳಿದು ಕರುಣಿಸದೆ ಬರಿದೆ 1

ಅರಿತವ ನೀನು - ಷಡ್ವರ್ಗದಿ

ಬೆರತವ ನಾನು - ಚರಣಂಗಳಿಗೆರಗುವೆನಿನ್ನು

ಅರಿತು ನೆನೆಯೆ ಪ್ರಪನ್ನರೊಮ್ಮೆಗೆ

ಎರವು ಮಾಡದೆ ಪೊರೆವೆನೆಂಬುವ

ಬಿರುದನುಳಿದು ಕರುಣವಿಲ್ಲದೆ

ಮರೆಯ ಹೊಕ್ಕವರೊಡನೆ ಕೆರಳಿ 2

ಏನಾದರೇನು - ನೀನಲ್ಲದೆ

ಕಾಣೆ ಮತ್ತೇನು - ಕೊಲ್ಲು ಕಾಯಿ ನಾನು ನಿನ್ನವನು

ಪ್ರಾಣ ಸತಿಸುತ ದ್ರವ್ಯ ಮಾನಪ-

ಮಾನ ಅಭಿಮಾನಗಳು ನಿನ್ನವು

ದೀನ ಜನ ಮಂದಾರ ಗುಣಗಳ

ಪೂರ್ಣ ಲಕ್ಷ್ಮೀಕಾಂತ ಪ್ರಭುವೆ 3

***