ಅಂಬೋನಿಧಿ ಹೃದಯಂಬರಯ ವಾಸಿನಿ ಅಂಬಾ ಬಾ ಬಾ ankita prasannashreenivasa AMBONIDHI HRUDAYAMBARA VAASINI AMBAA BAA BAA

kruti by prasanna shreenivasaru ಪ್ರಸನ್ನ ಶ್ರೀನಿವಾಸದಾಸರು

ರಮಾದೇವಿ

ಅಂಬೋನಿಧಿ ಹೃದಯಂಬರಯ ವಾಸಿನಿ

ಅಂಬಾ ಬಾ ಬಾ ಅಂಬುಧಿಜಾ ನಮೋ ಪ

ಅಂಬುಜನಾಭನ ನಿಜಸತಿ ಶ್ರೀ ಭೂ

ಅಂಭ್ರಣಿ ಚಾಮರ ವ್ಯಜನ ರಥಾಂಗ ಪೂ

ಕಂಬು ಮಾಲಾದಿ ಸುರೂಪದಿ ಹರಿಗೆ ನೀ

ಸಮ್ಮುದದಿಂದೆ ಸುಸೇವೆಯ ಮಾಳ್ಪಳೆ ಅ ಪ

ಮಂದರಗಿರಿಯಿಂದ ಸಿಂಧುವ ಮಥಿಸಲು

ನಿಂದು ಪ್ರಕಟವಾದೆ ಇಂದಿರಾದೇವಿಯೆ

ಕುಂದೇನಿಲ್ಲದ ಸುಂದರಗುಣನಿಧಿ

ಬಂಧಮೋಚಕ ಆನಂದಸುಪೂರ್ಣ ಗೋ

ವಿಂದ ಶ್ರೀ ಅಜಿತಭೂಮನನ್ನೆ ವರಿಸಿದೆ

ಮಂದಜಭವ ಶಿವ ವೃಂದಾರಕನುತ 1

ಹರನ ಚಾಪವ ಶ್ರೀರಾಮನು ಮುರಿಯಲು

ವರ ವನಮಾಲೆಯ ಅರ್ಪಿಸಿ ನಿಂದೆ

ಸುರಮುನಿರಾಜರು ಪುರಜನರೆಲ್ಲರು

ಸುರಿಯಲು ಪೂಮಳೆ ಸಂಭ್ರಮದಿಂದಲಿ

ಸರಿಪರರಿಲ್ಲದ ಶ್ರೀ ರಘುರಾಮನು

ಸಿರಿಜನಕಜೆ ನಿನ್ನ ಕರವನು ಗ್ರಹಿಸಿದ 2

ಭೈಷ್ಮಿ ರುಕ್ಮಿಣಿ ಸತ್ಯಭಾಮಾ ಶ್ರೀ ಭೂದೇವಿ

ವಾಮಚಿನ್ಮಯೆ ಶ್ರೀ ಸ್ವಾಮಿ ಕೃಷ್ಣನ ರಾಣಿ

ಹೇಮಗರ್ಭಾದಿ ಸಮಸ್ತ ಸುಜನರಿಗೆ

ರಮೆ ನಿನ್ನಯ ಸುಮಂದ ಕಟಾಕ್ಷವು

ಕಾಮಿತ ಫಲದವು ಮೋಕ್ಷಹೇತುವೆ ದೇವಿ

ನಮೋ ನಮೋ ಪ್ರಸನ್ನ ಶ್ರೀನಿವಾಸನ ಸತಿ 3

***