ವನಜ ಮುಖಿಯರ ಮನದಿಷ್ಟಾರ್ಥವನೀವನ ಶ್ರೀ ಕೃಷ್ಣ ankita neleyadikeshava VANAJA MUKHIYARA MAMADISHTARTHANEEVANA SRI KRISHNA

ರಾಗ -  :  ತಾಳ - 

ವನಜಮುಖಿಯರ ಮನದಿಷ್ಟಾರ್ಥವನೀವ

ಶ್ರೀಕೃಷ್ಣ ಎನ್ನಿರೋ ತನ್ನ

ಮನದೊಳು ನೆನೆದು ಧ್ಯಾನಿಸುವಳ ತಂದಾತನ

ಶ್ರೀಕೃಷ್ಣ ಎನ್ನಿರೋ ll ಪ ll

ಪಣ್ಣಕೊಯಿದವನನುಜಗೆ ಸಹಾಯನಾದನ

ಶ್ರೀಕೃಷ್ಣ ಎನ್ನಿರೋ

ಸಣ್ಣ ಸೆಳೆನಡುವಿನ ಪೆಣ್ಣಾದನ

ಶ್ರೀಕೃಷ್ಣ ಎನ್ನಿರೋ

ಅಣ್ಣನ ವೈರಿಯ ಮಗನ ಕೊಂದಾತನ 

ಶ್ರೀಕೃಷ್ಣ ಎನ್ನಿರೋ

ಬಣ್ಣಿಸಲರಿಯೆ ನಾನಿವನ ಮಹಿಮೆಗಳ ಶ್ರೀಕೃಷ್ಣ ಎನ್ನಿರೋ ll 1 ll 

ಮುತ್ತಯ್ಯನಿರೆ ಮೊಮ್ಮಗೆ ಪಟ್ಟಗಟ್ಟಿದನ 

ಶ್ರೀಕೃಷ್ಣ ಎನ್ನಿರೋ

ಹೆತ್ತವಳಿರೆ ತಾಯ ಬೇರೆ ಪಡೆದಾತನ

ಶ್ರೀಕೃಷ್ಣ ಎನ್ನಿರೋ

ಮತ್ತೇಭಗಾಮಿನಿಗಾಗಿ ವನವಾಸ ಪೋದನ 

ಶ್ರೀಕೃಷ್ಣ ಎನ್ನಿರೋ

ಮತ್ತೆ ಕುವರಗೆ ಕಂಬದಲ್ಲಿ ಮೂಡಿದನ

ಶ್ರೀಕೃಷ್ಣ ಎನ್ನಿರೋ ll 2 ll

ಉಗುರುಕೊನೆಗಳಿಂದ ನಗವ ನೆಗಹಿದನ 

ಶ್ರೀಕೃಷ್ಣ ಎನ್ನಿರೋ 

ಬೊಗಸೆಗಂಗಳ ಬಾಲೆಯರ ತಂದಾತನ

ಶ್ರೀಕೃಷ್ಣ ಎನ್ನಿರೋ

ಮಗಳಗಂಡನ ಶಿರವ ಛೇದಿಸಿದಾತನ

ಶ್ರೀಕೃಷ್ಣ ಎನ್ನಿರೋ

ಸುಗುಣರನ್ನನು ಕಾಗಿನೆಲೆಯಾದಿಕೇಶವನ

ಶ್ರೀಕೃಷ್ಣ ಎನ್ನಿರೋ ll 3 ll

***

ವನಜ ಮುಖಿಯರ ಮನದಿಷ್ಟಾರ್ಥವನೀವನ - ಶ್ರೀ ಕೃಷ್ಣ ಎನ್ನಿರೊಮನು ಮುನಿಜನರನು ಅನುದಿನದೊಳು ಪೊರೆವನ - ಶ್ರೀ ಕೃಷ್ಣ ಎನ್ನಿರೊ ಪ

ಪಣ್ಣ ಕೊಯ್ದನನುಜಗೆ ಸಹಾಯನಾದನ _ ಶ್ರೀ ಕೃಷ್ಣ ಎನ್ನಿರೊಸಣ್ಣ ಸೀರೆಯ ನಲ್ವೆಣ್ಣು ರೂಪಾದನ _ ಶ್ರೀ ಕೃಷ್ಣ ಎನ್ನಿರೊಅಣ್ಣನ ವೈರಿಯ ಮಗನ ಕೊಂದಾತನ _ ಶ್ರೀ ಕೃಷ್ಣ ಎನ್ನಿರೊಬಣ್ಣಿಸಲರಿಯೆ ನಾನಿವನ ಮಹಿಮೆಯ _ ಶ್ರೀ ಕೃಷ್ಣ ಎನ್ನಿರೊ 1

ಮುತ್ತಯ್ಯನಿರೆ ಮೊಮ್ಮಗಗೆ ಪಟ್ಟಗಟ್ಟಿದನ _ ಶ್ರೀ ಕೃಷ್ಣ ಎನ್ನಿರೊಹೆತ್ತವಳಿರೆ ತಾಯ ಬೇರೆ ಪಡೆದಾತನ _ ಶ್ರೀ ಕೃಷ್ಣ ಎನ್ನಿರೊಮತ್ತೇಭಗಾಮಿನಿಗಾಗಿ ವನವಾಸ ಪೋದನ _ ಶ್ರೀ ಕೃಷ್ಣ ಎನ್ನಿರೊಮತ್ತೆ ಹಿರಣ್ಯಕಗೆ ಕಂಬದಲಿ ತೋರ್ದನ - ಶ್ರೀ ಕೃಷ್ಣ ಎನ್ನಿರೊ 2

ಉಗುರು ಕೊನೆಗಳಿಂದ ನಗವನೆತ್ತಿದನ _ ಶ್ರೀ ಕೃಷ್ಣ ಎನ್ನಿರೊಬೊಗಸೆಗಂಗಳ ಬಾಲೆಯರ ತಂದಾತನ _ ಶ್ರೀ ಕೃಷ್ಣ ಎನ್ನಿರೊಮಗಳ ಗಂಡನ ಶಿರವನೆ ಛೇದಿಸಿದನ _ ಶ್ರೀ ಕೃಷ್ಣ ಎನ್ನಿರೊಸುಗುಣ ತನ್ನ ಕಾಗಿನೆಲೆಯಾದಿಕೇಶವನ _ ಶ್ರೀ ಕೃಷ್ಣ ಎನ್ನಿರೊ 3

***