ಎಲ್ಲ ದೇವರ ಗಂಡ ಕೃಷ್ಣ ಚಿಲ್ಲರೆ ದೈವರ ಮಿಂಡ ankita jayesha vittala

     ..

ಎಲ್ಲ ದೇವರ ಗಂಡ | ಕೃಷ್ಣ

ಚಿಲ್ಲರೆ ದೈವರ ಮಿಂಡ ಪ

ಪಾದದಿ ನದಿಯನು ಪೆತ್ತ | ಅದನು

ರುದ್ರನು ಶಿರದಲಿ ಪೊತ್ತ

ಮಾಧವನ್ಹೊಕ್ಕಳ ಜಾತ | ಶತ

ಮೋದನು ಲೋಕ ಪ್ರಖ್ಯಾತ 1

ಸೃಷ್ಟಿ ಸಂಹಾರಗೈದ | ಪರ

ಮೇಷ್ಟಿ ರುದ್ರರನಾಳ್ದ

ಯೆಟ್ಟ ದೈತ್ಯರ ಶಿರ ಮುರಿದ | ದುರಿತ-

ದೃಷ್ಟಿಸಿ ನಾಶಗೈದ 2

ಬಂಟರ ಪಾಲಕನೀತ | ವೈ-

ಕುಂಠದ ಒಡೆಯನು ದಾತ

ತುಂಟರ ಮಡಹುವ ಸತತ | ನಮಗೆ

ನಂಟನು ಗೋಕುಲನಾಥ 3

ಮನಸಿಗೆ ಬಂದುದು ಸಿದ್ಧ | ಪ್ರತಿ

ಯೆಣಿಸುವ ಜೀವನೆ ಬದ್ಧ

ನೆನೆಸುವರಲಿ ತಾನಿದ್ದ | ದಯ

ವನಧಿಯು ಬೆಣ್ಣೆಯ | ಕದ್ದ 4

ದುರಿತ ದುರುಳರ ಭಂಗ | ತಾ

ನಿರುತ ಮಾಡುವ ರಂಗ

ಜಯೇಶವಿಠಲ ತುಂಗ | ಮಹಿ

ಮಾ ರಕ್ಷಿಸು ದಯಾಪಾಂಗ

****