ಸಲಹದೆ ಬಿಡಲಾರೆ ನಿನ್ನ ಪಾದ ಸಲಹವೆ ಬಿಡಲಾರೆ ankita sirivatsankita

 ..

kruti by ಚಿಕ್ಕೋಡಿ ಆಚಾರ್ಯ sirivatsankitaru (chikkodi acharyaru) 

ಸಲಹದೆ ಬಿಡಲಾರೆ ನಿನ್ನ ಪಾದ ಸಲಹವೆ ಬಿಡಲಾರೆ

ಕಲಿತ ಕಲ್ಮಶವನ್ನು ಸುಲಭಾದಿ ಓಡಿಸು ಪ

ಅಂದು ಆ ಕರಿರಾಜ ಸರಸಿಲಿವಂದಿಸಿದಾ ಪಾದ

ಸಂದೇಹವಿಲ್ಲದೆ ಬಂದು ಪೊರೆದ ಮುಕುಂದ ನಿನ್ನಯ ಪಾದ 1

ನಾರಿಯು ನಿನ್ನ ನೆನದಾ ಮಾತ್ರದಿ ಶೀರಿಯ ಮಾಳೇಗರದಾ

ದಾರಿದ್ರ್ಯಭಯವನ್ನು ದೂರ ಓಡಿಸಿದಂಥ ಮಾರಮಣನಾ ಪಾದ 2

ಕಮಲನಾಭ ನೀನು ದೇವರ ದೇವ ಸುಮನಸರೊಡೆಯನು

ಕಮಲಾಕ್ಷ ನಿನ್ನಯ ಅಮಿತ ಮಹಿಮೆ ತೋರಿ ಭ್ರಮೆಯ ಹರಿಸು 3

ಆರು ವೈರಿಗಳು ಮಿತಿಮೀರಿರುವರು ಕೇಳು

ನೀರಜಾಕ್ಷಯನ್ನನಾರು ಕಾಯುವರೊ ಧೀರ ನೀನೇ ಪೇಳು 4

ಪೊರೆಯದೆ ಬಿಡದಿರು ಶಿರಿನುತಚರಣವನ್ನು ತೋರು

ಶಿರವತ್ಸಾಂಕಿತನಾದ ನರಸಖ ನಿನ್ನಯ ಕರುಣವ ಬೀರು 5

***