ಗಜಮುಖ ನಿನ್ನನು ಭಜಿಸುವೆ ಸತತದಿ ನಿಜಮತಿಯನೆ ankita gopalakrishna vittala GAJAMUKHA NINNANU BHAJISUVE SATATADI NIJAMATIYANE

ಗಜಮುಖ ನಿನ್ನನು ಭಜಿಸುವೆ ಸತತದಿ

ನಿಜಮತಿಯನೆ ನೀಡೊ ಪ.

ಭುಜಗ ಭೂಷಣಸುತ ರಜತಮ ಕಳೆಯುತ

ಗಜವರದನ ತೋರೊ ಅ.ಪ.

ಮೋದಕಪ್ರಿಯನೆ ಆದರದಲಿ ನಿನ್ನ

ಪಾದಕೆ ಎರಗುವೆನೊ

ನೀ ದಯದಲಿ ಹರಿ ವಿಶ್ವರೂಪವ ನಿನ್ನ

ಹೃದಯದಿ ತೋರೋ 1

ಸೊಂಡಿಲ ಗಣಪನೆ ಹಿಂಡು ದೈವಗಳಿಗೆ

ಇಂದು ಪ್ರಥಮ ನೀನೆ

ಕಂಡಮಾತ್ರ ನಿನ್ನ ವಿಘ್ನಗಳೆಲ್ಲವು

ಬೆಂಡಾಗುವುದಿನ್ನೆ 2

ಅಂಬರದಭಿಮಾನಿಯೆ ಸತತದಿ ಹರಿ

ಹಂಬಲ ನೀ ನೀಡೋ

ಕುಂಭಿಣೀಶ ಗೋಪಾಲಕೃಷ್ಣ

ವಿಠ್ಠಲನ ಮನದಿ ತೋರೋ 3

****