ಬಂದ ಮನ್ಮಾನಸಕೆ ಶ್ರೀ ಹರಿ ankita vyasa vittala

 

ಧ್ರುವತಾಳ

ಬಂದ ಮನ್ಮಾನಸಕೆ ಶ್ರೀ ಹರಿ ll ಪ ll

ಇಂದಿರೆರಮಣ ಮುಕುಂದ ಆನಂದದಿ ll ಅ ಪ ll

ಥಳಥಳಿಸುವ ನವರತ್ನ ಕಿರೀಟವು 

ಹೊಳೆವ ಮಕರ ಕುಂಡಲ ಧ್ವಜವು

ತುಳಸಿಮಾಲೆ ವನಮಾಲೆಯಿಂದೊಪ್ಪುತ

ಬಲು ತೇಜಸ್ವಿಗೆ ತೇಜೋಮಯನಾದ ಹರಿ ll 1 ll

ಲಲನೆ ರುಕ್ಮಿಣಿ ಸತ್ಯಭಾಮೆಯರಿಂದೊಡಗೂಡಿ

ನಲಿದಾಡುತ ಎನ್ನ ಹೃದಯದಲಿ

ಬಲು ಬಲುವಿಗಢ ಅಜ್ಞಾನಾಂಧಕಾರದ

ಕುಲವನೋಡಿಸಿ ಮತ್ಕುಲದೈವಮೂರುತಿ ll 2 ll

ಎಷ್ಟು ಜನುಮದ ಪುಣ್ಯ ಬಂದೊದಗಿತೊ 

ಎಷ್ಟು ಧನ್ಯರೊ ನಮ್ಮ ಹಿರಿಯರು

ಎಷ್ಟು ದೇವತೆಗಳು ನಮಗೆ ಹರಸಿದರೊ

ದೃಷ್ಟಿಗೋಚರ ನಮ್ಮ ವ್ಯಾಸವಿಟ್ಠಲ ll 3 ll

***