ನಂಬಿದೆ ನಾ ನಿನ್ನ ನಾರಾಯಣ ವಿಶ್ವಂಭರ ankita gururama vittala

ನಂಬಿದೆ ನಾ ನಿನ್ನ ನಾರಾಯಣ ವಿಶ್ವಂಭರ ಮೂರುತಿಯೇ

ಕಂಬುಧರ ಕಮಲಾಂಬಕ ಶ್ರೀಹರಿ ಪಾರ್ಥನ ಸಾರಥಿಯೇ ll ಪ ll

ವಾರಿಜನಾಭನೆ ಪಾರುಗಾಣಿಸೊ ಸಂ-

ಸಾರ ಶರಧಿಯಿಂದ

ಮಾರಮಣನೆ ಮೊರೆಹೊಕ್ಕೆ ಲಾಲಿಸೊ

ಮುರಹರ ಗೋವಿಂದ ll 1 ll

ಪುಣ್ಯಪುರುಷ ಲಾವಣ್ಯ ನಿಧಿಯೆ ಕಾ-

ರುಣ್ಯ ಸುಗುಣ ಸಾಂದ್ರ

ಸನ್ನುತಿಗಯ್ಯಲು ಶೇಷಗಳವೆ

ವನಜಾಪ್ತವಂಶ ಚಂದ್ರ ll 2 ll

ಕಾಮ ಜನಕ ಸುತ್ರಾಮವಿನುತ ಶುಭ-

ನಾಮಸುಜನಪ್ರೇಮಿ

ತಾಮಸದೂರ ಸುಧಾಮವರದ ಗುರು-

ರಾಮವಿಟ್ಠಲಸ್ವಾಮಿ ll 3 ll

***