ಹರಿಯೆ ನಿನಗನ್ಯರು ಸರಿಯೆ ankita govinda

 ರಾಗ - : ತಾಳ -

ಹರಿಯೆ ನಿನಗನ್ಯರು ಸರಿಯೆ

ಮೂರ್ಲೋಕ ದೊರೆಯೆ ll ಪ ll

ಭೂತಿದೇವತೆಯು ನಿನ್ನರಸಿಯು ಮೂರ್ಲೋಕದೊಳು

ಖ್ಯಾತೆಯಾಗಿರುವ ಭಾರತಿ ಸೊಸೆಯು ಸುತೆ ಭಾಗೀರಥಿಯು

ಭೂತೇಶನ ಪಡೆದವನನುಗನು ಪುರು

ಹೂತ ಮುಖ್ಯರು ಸಕಲೋತ್ತಮನೆಂಬರು ll 1 ll

 ನಿನ್ನ ಪೋಲುವ ಕರುಣಾಳುಗಳನ ಕಾಣೆನು ಮೋಹವ

ಅನ್ಯಾಯ ಘಟಿತ ಕರ್ಮಗಳನ್ನು ಮಾಡುವ ಎನ್ನನ್ನ

ಮನ್ನಿಸಿ ಪಾವನ ಮಾಡುವದನ್ನ

ಅನ್ಯರು ತಿಳಿವರೆ ಸುರಗಣ ಮಾನ್ಯ ll 2 ll

ಕೃತಿ ಮಾತ್ರದಿಂದ ಪಾತಕ ಬಂಧ ನಿರ್ಮೋಕಗೈವ

ವಿತತಚಿದಾನಂದ ಮುಕುಂದ ಪಾಲಿಸು ಕೃಪೆಯಿಂದ

ಕ್ಷಿತಿವರಗತ ಬಹು ಮತಿಯನು ಕರುಣಿಪ

ಹಿತ ಶೇಷಾಚಲಪತಿ ಗೋವಿಂದ ll 3 ll

***