ಬಿಡದಿರು ಕೈಯ್ಯ ರಂಗ ಒಡೆಯ ankita sheshagiri

 ರಾಗ – : ತಾಳ – 

ಬಿಡದಿರು ಕೈಯ್ಯ ರಂಗ ಒಡೆಯ ಶ್ರೀ ನರಸಿಂಗ

ಬಡವನ ಮೇಲಪಾಂಗವಿಡುರಮಾಲಿಂಗಿತಾಂಗ ll ಪ ll

ನುಡಿವ ಮಾತುಗಳ ನಿನ್ನಡಿಗಳ ಸ್ತವವೆಂದು 

ಒಡಂಬಡೊ ನಿಜ ದಾಸ ಭಿಡೆಯ ಮೀರದ ದೇವ ll 1 ll

ವಾರಿಜನಾಭ ನಿನ್ನ ಪ್ರೇರಣೆಯಿಂದ ಸರ್ವ

ಧಾರುಣಿವರರ ದಯಾರಸ ದೊರೆವುದು ll 2 ll

ಅಂಬುಜಾಲಧರಬಿಂಬಫಲಾಮೃತ

ಚುಂಬನಲೋಲ ನೀ ಬೆಂಬಲಾಗಿರು ll 3 ll

ಹರಿ ನಿನ್ನ ಕೃಪಾರಸವಿರಲು ಚತುರ್ವಿಧ

ಪುರುಷಾರ್ಥವೆಲ್ಲ ಸೇರಿ ಬರುವದೆಂದರಿದೆನು ll 4 ll

ದುರಿತ ರಾಶಿಗಳನ್ನು ತರಿವರೆ ಶಕ್ತನಾದ

ಪರಮಪಾವನ ಶೇಷಗಿರಿವರನೆಂದೆಂದಿಗು ll 5 ll

***