ಮತ್ಸ್ಯಾ ಕೃತಿಧರ ಜಯ ದೇವೇಶ traditional ದಾಮೋದರ ಸ್ತೋತ್ರ MATSYA KRUTIDHARA JAYA DEVESHA DAMODARA STOTRA

ಕಾರ್ತಿಕ ದಾಮೋದರ ಸ್ತೋತ್ರಮ್

ಅಥ ದಾಮೋದರಸ್ತೋತ್ರಂ ಮತ್ಸ್ಯಾಕೃತಿಧರ ಜಯ ದೇವೇಶ ವೇದವಿಬೋಧಕ ಕೂರ್ಮಸ್ವರೂಪ । ಮಂದರಗಿರಿಧರ ಸೂಕರರೂಪ ಭೂಮಿವಿಧಾರಕ ಜಯ ದೇವೇಶ ॥೧॥ ಕಾಂಚನಲೋಚನ ನರಹರಿರೂಪ ದುಷ್ಟಹಿರಣ್ಯಕಭಂಜನ ಜಯ ಭೋ । ಜಯ ಜಯ ವಾಮನ ಬಲಿವಿಧ್ವಂಸಿನ್ ದುಷ್ಟಕುಲಾಂತಕ ಭಾರ್ಗವರೂಪ ॥೨॥ ಜಯ ವಿಶ್ರವಸಃಸುತವಿಧ್ವಂಸಿನ್ ಜಯ ಕಂಸಾರೇ ಯದುಕುಲತಿಲಕ । ಜಯ ವೃಂದಾವನಚರ ದೇವೇಶ ದೇವಕಿನಂದನ ನಂದಕುಮಾರ ॥೩॥ ಜಯ ಗೋವರ್ಧನಧರ ವತ್ಸಾರೇ ಧೇನುಕಭಂಜನ ಜಯ ಕಂಸಾರೇ । ರುಕ್ಮಿಣಿನಾಯಕ ಜಯ ಗೋವಿಂದ ಸತ್ಯಾವಲ್ಲಭ ಪಾಂಡವಬಂಧೋ ॥೪॥ ಖಗವರವಾಹನ ಜಯ ಪೀಠಾರೇ ಜಯ ಮುರಭಂಜನ ಪಾರ್ಥಸಖೇ ತ್ವಮ್ । ಭೌಮವಿನಾಶಕ ದುರ್ಜನಹಾರಿನ್ ಸಜ್ಜನಪಾಲಕ ಜಯ ದೇವೇಶ ॥೫॥ ಶುಭಗುಣಪೂರಿತ ಜಯ ವಿಶ್ವೇಶ ಜಯ ಪುರುಷೋತ್ತಮ ನಿತ್ಯವಿಬೋಧ । ಭೂಮಿಭರಾಂತಕಕಾರಣರೂಪ ಜಯ ಖರಭಂಜನ ದೇವವರೇಣ್ಯ ॥೬॥ ವಿಧಿಭವಮುಖಸುರಸತತಸುವಂದಿತಸಚ್ಚರಣಾಂಬುಜ ಕಂಜಸುನೇತ್ರ । ಸಕಲಸುರಾಸುರನಿಗ್ರಹಕಾರಿನ್ ಪೂತನಿಮಾರಣ ಜಯ ದೇವೇಶ ॥೭॥ ಯದ್ಭ್ರೂವಿಭ್ರಮಮಾತ್ರಾತ್ತದಿದಮಾಕಮಲಾಸನಶಂಭುವಿಪಾದ್ಯಮ್ । ಸೃಷ್ಟಿಸ್ಥಿತಿಲಯಮೃಚ್ಛತಿ ಸರ್ವಂ ಸ್ಥಿರಚರವಲ್ಲಭ ಸ ತ್ವಂ ಜಯ ಭೋ ॥೮॥ ಜಯಯಮಲಾರ್ಜುನಭಂಜನಮೂರ್ತೇ ಜಯ ಗೋಪೀಕುಚಕುಂಕುಮಾಂಕಿತಾಂಗ । ಪಾಂಚಾಲೀಪರಿಪಾಲನ ಜಯ ಭೋ ಜಯ ಗೋಪೀಜನರಂಜನ ಜಯ ಭೋ ॥೯॥ ಜಯ ರಾಸೋತ್ಸವರತ ಲಕ್ಷ್ಮೀಶ ಸತತಸುಖಾರ್ಣವ ಜಯ ಕಂಜಾಕ್ಷ । ಜಯ ಜನನೀಕರಪಾಶಸುಬದ್ಧ ಹರಣಾನ್ನವನೀತಸ್ಯ ಸುರೇಶ ॥೧೦॥ ಬಾಲಕ್ರೀಡನಪರ ಜಯ ಭೋ ತ್ವಂ ಮುನಿವರವಂದಿತಪದಪದ್ಮೇಶ । ಕಾಲಿಯಫಣಿಫಣಮರ್ದನ ಜಯ ಭೋ ದ್ವಿಜಪತ್ನ್ಯರ್ಪಿತಮತ್ಸಿ ವಿಭೋಽನ್ನಮ್ ॥೧೧॥ ಕ್ಷೀರಾಂಬುಧಿಕೃತನಿಲಯನ ದೇವ ವರದ ಮಹಾಬಲ ಜಯ ಜಯ ಕಾಂತ । ದುರ್ಜನಮೋಹಕ ಬುದ್ಧಸ್ವರೂಪ ಸಜ್ಜನಬೋಧಕ ಕಲ್ಕಿಸ್ವರೂಪ । ಜಯ ಯುಗಕೃದ್ದುರ್ಜನವಿಧ್ವಂಸಿನ್ ಜಯ ಜಯ ಜಯ ಭೋ ಜಯ ವಿಶ್ವಾತ್ಮನ್ ॥೧೨॥ ಇತಿ ಮಂತ್ರಂ ಪಠನ್ನೇವ ಕುರ್ಯಾನ್ನೀರಾಜನಂ ಬುಧಃ । ಘಟಿಕಾದ್ವಯಶಿಷ್ಟಾಯಾಂ ಸ್ನಾನಂ ಕುರ್ಯಾದ್ಯಥಾವಿಧಿ ॥೧೩॥ ॥ ಇತಿ ದಾಮೋದರಸ್ತೋತ್ರಮ್ ॥ **** अथ दामोदर स्तोत्रं मत्स्याकृतिधर जय देवेश वेदविबोधक कूर्मस्वरूप । मंदरगिरिधर सूकररूप भूमिविधारक जय देवेश ॥१॥ कांचनलोचन नरहरिरूप दुष्टहिरण्यकभंजन जय भो । जय जय वामन बलिविध्वंसिन् दुष्टकुलांतक भार्गवरूप ॥२॥ जय विश्रवसःसुतविध्वंसिन् जय कंसारे यदुकुलतिलक । जय वृंदावनचर देवेश देवकिनंदन नंदकुमार ॥३॥ जय गोवर्धनधर वत्सारे धेनुकभंजन जय कंसारे । रुक्मिणिनायक जय गोविंद सत्यावल्लभ पांडवबंधो ॥४॥ खगवरवाहन जय पीठारे जय मुरभंजन पार्थसखे त्वम् । भौमविनाशक दुर्जनहारिन् सज्जनपालक जय देवेश ॥५॥ शुभगुणपूरित जय विश्वेश जय पुरुषोत्तम नित्यविबोध । भूमिभरांतककारणरूप जय खरभंजन देववरेण्य ॥६॥ विधिभवमुखसुरसततसुवंदितसच्चरणांबुज कंजसुनेत्र । सकलसुरासुरनिग्रहकारिन् पूतनिमारण जय देवेश ॥७॥ यद्भ्रूविभ्रममात्रात्तदिदमाकमलासनशंभुविपाद्यम् । सृष्टिस्थितिलयमृच्छति सर्वं स्थिरचरवल्लभ स त्वं जय भो ॥८॥ जययमलार्जुनभंजनमूर्ते जय गोपीकुचकुंकुमांकितांग । पांचालीपरिपालन जय भो जय गोपीजनरंजन जय भो ॥९॥ जय रासोत्सवरत लक्ष्मीश सततसुखार्णव जय कंजाक्ष । जय जननीकरपाशसुबद्ध हरणान्नवनीतस्य सुरेश ॥१०॥ बालक्रीडनपर जय भो त्वं मुनिवरवंदितपदपद्मेश । कालियफणिफणमर्दन जय भो द्विजपत्न्यर्पितमत्सि विभोऽन्नम् ॥११॥ क्षीरांबुधिकृतनिलयन देव वरद महाबल जय जय कांत । दुर्जनमोहक बुद्धस्वरूप सज्जनबोधक कल्किस्वरूप । जय युगकृद्दुर्जनविध्वंसिन् जय जय जय भो जय विश्वात्मन् ॥१२॥ इति मंत्रं पठन्नेव कुर्यान्नीराजनं बुधः । घटिकाद्वयशिष्टायां स्नानं कुर्याद्यथाविधि ॥१३॥ ॥ इति दामोदरस्तोत्रम् ॥ ****