ರೋಗದಾವದು ನೋಡೊ ಯೋಗಿ ಧನ್ವಂತ್ರೀ ankita srinidhi vittala

 ರಾಗ - : ತಾಳ -

ರೋಗದಾವದು ನೋಡೊ ಯೋಗಿ ಧನ್ವಂತ್ರೀ l

ಜಾಗು ಮಾಡದಲೆನ್ನ ಕರವಿಡಿದು ಪೇಳೋ ll ಪ ll

ಗುರುಹಿರಿಯರಾಚರಣ ಕಮಲಕ್ಕ ಶಿರಬಾಗದ l

ಹರಿಯ ನಾಮಗಳೆನ್ನ ನುಡಿಗೆ ಬರದೂ l

ಹರಿಮೂರ್ತಿ ನೋಡಲಿಕ್ಕೆ ಕಣ್ಣು ಕಾಣವೊ ದೇವ l

ಕರಿಕಥಿಗೆ ಕಿವಿಯು ಗೋಡ್ಯಾದವೂ ll 1 ll

ಹರಿಪೂಜೆಗೆ ಅನುಕೂಲವಾಗದೀ ಕರಗಳು l

ಹರಿ ಉಂಡ ಅನ್ನ ಉದರಕ್ಕೆ ಆಗದೂ l

ಹರಿಯಾತ್ರೆ ಘೋರಟರೆ ಚರಣಗಳಿಗತಿ ಶೂಲಿ l

ಹರಿ ಹರಿ ಹರಿ ಎನಗೆ ಏನಾಯಿತೋ ll 2 ll

ಹಿಂದೆ ಬಡಿಸಿದ ಭವಣಿ ಮುಂದೆ ಬಡಿಸಲಿ ಬ್ಯಾಡಾ l

ವಂದೆ ಮನದಲಿ ಹೇಳಿಕೊಂಬೆ l

ಕಂದನಾ ನುಡಿಯನ್ನು ಛಂದಾಗಿ ಲಾಲಿಸೊ l

ಕಂದುಗೊರಳನ ಕಾಯ್ದು ಬಂದ ಶ್ರೀನಿಧಿವಿಟ್ಠಲಾ ll 3 ll

***