ಧೊರೆ ಧೊರೆ ವೆಂಕಟೇಶ ankita srinidhi vittala

 ರಾಗ -  :  ತಾಳ -

ಧೊರೆ ಧೊರೆ ವೆಂಕಟೇಶ l  ನೀನೆ l

ಧೊರೆ ಧೊರೆ ವೆಂಕಟೇಶ ll ಪ ll

ಸಂಕಟವೆಲ್ಲವ ಪರಿಹರಿಸು l

ವೆಂಕಟೇಶ ಧೊರೆ ಧೊರೆ ll ಅ ಪ ll

ಎತ್ತಿನ ಪೆಸರುಳ್ಳ ಮತ್ತೆ ರಕ್ಕಸ ತನ್ನ l

ಕುತ್ತಿಗೆ ತೆಗೆದಿಡಲು ಉತ್ತಮ ಗತಿಯಿತ್ತೆ ll 1 ll

ಅಂಜನೆ ಎಂಬುವಳ್ಮಂಜು ಬಿಸಲಿಗೆ l

ಅಂಜದೆ ತಪಿಸಲು ಸಂಜೀವನವ ಕೊಟ್ಟ ll 2 ll

ಸಾಸಿರ ಮುಖವುಳ್ಳ ಶೇಷನಹಂಕಾರ l

ಶ್ವಸನನ ಕೈಯಿಂದ ನಾಶ ಮಾಡಿಸಿದಂಥ ll 3 ll

ಮಾಧವ ಮಾದಿಗ ಹಾದಿಯ ಮೆಟ್ಟಲು l

ಮೋದದಿ ಉದ್ಧರಿಸಿದ ಮಾಧವ ಸಲಹೆನ್ನ ll 4 ll

ಮೇರುಗಿರಿಯ ಮಗನು ಈರೆರಡು ಯುಗದಲಿ l

ಮೂರೊಂದಭಿದ ಬೀರಿದ ಶ್ರೀನಿಧಿವಿಟ್ಠಲ ll 5 ll

***