ಪೊರೆಯೋ ಶ್ರೀರಾಘವೇಂದ್ರ ಸದ್ಗುಣ ಸಾಂದ್ರ ankita sirinarayana

 ankita ಸಿರಿನಾರಾಯಣ

ರಾಗ: ಜಯಜಯವಂತಿ  ತಾಳ: ಕೇರವಾ

ಪೊರೆಯೋ ಶ್ರೀರಾಘವೇಂದ್ರ ಸದ್ಗುಣ ಸಾಂದ್ರ

ತ್ವರಿತದಿ ಭಜಿಪೆನು ಸುರಗುರು ಕುಲಚಂದ್ರ  ಪ

ಪಾಪವ ಕಳೆದೆನ್ನ ಶ್ರೀಪತಿ ಧ್ಯಾನಕೆ 

ಲೋಪವಾಗದ ಜ್ಞಾನ ದೀಪವ ಹಚ್ಚಿ ನೀ  1

ನಾನು ಎಂಬುದ ಬಿಟ್ಟು ಜ್ಞಾನಿಗಳೊಡಗೂಡಿ

ಶ್ರೀನಿಧಿ ನಾಮಾಮೃತ ಪಾನವ ಮಾಡಿಸೆ  2

ವರ ಮಂತ್ರಾಲಯ ವಾಸ ಸಿರಿನಾರಾಯಣ ದಾಸ

ಸ್ಮರಿಪ ಭಕ್ತರ ಪೋಷ ಸ್ಥಿರ ಕರುಣಿಸು ತೋಷ  3

***