ಗುರುರಾಜನ ನಾಮ ಪಾವನ ಗುಣ ನಾಮ ankita krishnavittala

 ರಾಗ: ದರ್ಬಾರ್ ಕಾನಡ ತಾಳ: ಆದಿ

ಗುರುರಾಜನ ನಾಮ ಪಾವನ ಗುಣ ನಾಮ ಪ

ಪರಮಮಂಗಳನಾಮ ನಿರುತ ಕಲ್ಯಾಣಧಾಮ ಅ.ಪ

ಯೋಗಿವಂದ್ಯನನಾಮ ಭಾಗವತಪ್ರೀಯನಾಮ

ರೋಗಹರ ಗುರು ರಾಘವೇಂದ್ರರನಾಮ 1

ಪತಿತಪಾವನನಾಮ ಯತಿಶ್ರೇಷ್ಠನನಾಮ

ಗತಿಹೀನರಿಗೆ ಸದ್ಗತಿಯ ತೋರುವ ನಾಮ 2

ಪರಮಾತ್ಮಪ್ರೀಯನಾಮ ಪರಮಪವಿತ್ರ ನಾಮ

ವರಮಂತ್ರಾಲಯನರಸನ ಶುಭನಾಮ 3

ಸಂತರ ಸುಧಾಮ ನಿಶ್ಚಿಂತರ ವರಧಾಮ

ಚಿಂತೆಯ ನಿರ್ನಾಮಗೈಯ್ಯುವ ಶುಭನಾಮ 4

ಭಕ್ತರಪೋಷಕನಾಮ ಶಕ್ತಶ್ರೀಗುರುನಾಮ

ಭಕ್ತರಕಾಯ್ವ ಶ್ರೀಕೃಷ್ಣವಿಠಲನನಾಮ 5

***