ಇಳೆಯೊಳು ಗುರು ರಾಘವೇಂದ್ರರ ಭಜಿಸಲು ankita janakiramana

kruti by ಜಾನಕಿರಮಣ 

ರಾಗ: ಜಂಜೂಟಿ ತಾಳ: ಆದಿ

ಇಳೆಯೊಳು ಗುರು ರಾಘವೇಂದ್ರರ ಭಜಿಸಲು

ಕಲುಷರಾಸಿಗಳು ತೊಲಗುವವೋ ಪ

ಏಳನೂರು ಸಂವತ್ಸರಕಾಲವು

ಸುಲಭದಿ ಭಕುತರ ಸಲಹುವರೋ ಅ. ಪ

ಒಂದೇಮನಸಿಲಿ ಬೃಂದಾವನದಿ

ಹದವನರಿತು ಸೇವೆಸಾಧಿಸಲು

ಮುಂದಿನ ಮುಕುತಿಗೆ ಸಾಧನವಾಗುವ

ಹಾದಿಯ ತೋರಲು ಒದಗುವರು 1

ವರಮಂತ್ರಾಲಯ ಬೃಂದಾವನದಿ ಸ-

ಶರೀರದಲಿ ಕುಳಿತಿರುವ

ಪರಿಪರಿವಿಧದಲಿ ಸೇವಿಪ ಭಕುತರು

ಕೋರಿದ ವರಗಳ ಕರುಣಿಸುವ 2

ಗುರುಸುಧೀಂದ್ರರ ಕರಸಂಜಾತರು

ಶರಣಾಗತರನುದ್ಧರಿಸುವರು

ಸಿರಿಯರಸ ಶ್ರೀಜಾನಕಿರಮಣನ

ತೋರಲು ಬರುವರು ಕರದೆಡೆಗೆ 3

***