ಪವಮಾನ ಪವಮಾನ ತವನವ ಪದ ankita sirigovinda vittala

ಪವಮಾನ ಪವಮಾನ ತವನವ ಪದ

ಪಲ್ಲವ ಜವ ತೋರಿಸೊ ಪ

ಶ್ರೀಕರ ಕಪಿಪ ಪಿನಾಕ ಹರಿಪಾದ

ಕೋಕನದ ಮಧುಪ ಕೃಪಾಕರ ಗುರುವರ 1

ಕ್ಷುಲ್ಲಕ ಮಲ್ಲಕ ಸು

ದಲ್ಲಣ ದ್ರೌಪದಿ

ವಲ್ಲಭ ಬಲ್ಲಿದ ಬಲ್ಲವರೂಪಿ 2

ಯತಿಕುಲಪತಿ ದಿತಿ ಸುತ ಮಥನನೆ

ಕ್ಷಿತಿ ಸುತೆ ಪತಿ ಕಥೆಯಲಿ ರತಿ ನೀಡ್ಹಿತದಲಿ 3

ಪ್ರೇಮದ ಕಾಮದ ರಾಮನ ಕ್ಷೇಮವ

ಭೂಮಿಜೆ ಗರುಪಿದ ವ್ಯೋಮಕೇಶನುತಾ 4

ಸಾಮಜಪುರ ಪತಿ ತಾಮಸ ಕೌರವ

ಸ್ತೋಮವಳಿದ ಸುತ್ರಾಮಜ ಪ್ರೀಯ ನಮೋ 5

ಕ್ಷುದ್ರಾ ದ್ವೈತರ ಸದ್ದಳಿದಾಮಲ

ಪದ್ಧತಿಗೈದ ಪ್ರಸಿದ್ಧ ಮಧ್ವಮುನಿ 6

ಸಿಂಧು ದಾಟಿ ಕುರು ವೃಂದ ವಳಿದ

ಕರ್ಮಂದಿಯ ಶಿರಿಗೋವಿಂದ ವಿಠಲಸುತ 7

****