ಪಾಲಿಸೆನ್ನ ಕಾಪಾಲಿಯೆ ನೀನು ankita sirigovinda vittala

ರುದ್ರ ದೇವರ ಸ್ತುತಿ

ಪಾಲಿಸೆನ್ನ ಕಾಪಾಲಿಯೆ ನೀನು ಪ

ಪಾಲಿಸುಯನ್ನ ಕಾಪಾಲಿಯೆ ತ್ವರ ಗೋಪಾಲನಂಘ್ರಿ

ಯುಗ ವಾಲಗ ಕೊಟ್ಟು ಅ.ಪ

ನೀ ಮಹದೌಷಧಿ ಕಾಮಾದಿಗಳೆಂಬಾಮಯ

ಸ್ತೋಮಕೆ ಹೇ ಮಮಸ್ವಾಮಿ 1

ನೀ ಕಾಯದೆ ಬಿಡೆ ಕಾಯಜ ಭಯ

ನೂಕೆಯನ್ನ ಕಡೆಗ್ಹಾಕುವರ್ಯಾರೈ 2

ತಿಂಗಳಚೂಡ ತ್ರಿಗಂಗಳ ಶೋಭಿತ

ಅಂಗಜ ರಿಪು ಭಸಿತಾಂಗನೆ ಲಿಂಗಾ 3

ನಾಕರಮುಗಿಯುವೆನು ನಾಕಪನುತ ರ

ತ್ನಾಕರ ಸುತೆವರನಾ ಕರತಾರೋ 4

ಕಂದನು ಇವನೆಂತೆಂದು ಎನ್ನ ನೀ

ಮುಂದಕೆ ಕರೆಯೈ ನಂದಿಶ್ಯಂದನಾ 5

ಅರ್ಧಂಗನ ವಪುಸ್ವರ್ಧುನಿಧರಾ ಅಘ

ಮರ್ದನ ಕಾಯೋ ಕಪರ್ದಿಯೆ ನಿರುತಾ 6

ಅದ್ರಿಜ ಪತಿ ಮಹರುದ್ರನೆ ನಮಿಸುವೆ

ಕ್ಷುದ್ರ ಮನಸಿನ ಉಪದ್ರವ ಬಿಡಿಸಿ 7

ದುರ್ಜನರರಿ ಖತಿವರ್ಜಿತ ಪಾಲಿಸೋ

ನಿರ್ಜರನುತನ ಗುರು ಅರ್ಜುನ ವರದಾ 8

ನೀನೊಲಿಸಿದ ಸಿರಿಗೋವಿಂದವಿಠಲನ

ಪಾವನ ಮೂರುತಿ ಕೋವಿದರೊಡೆಯ 9

****