ಕೇಳುವದರೊಳಗೆ ಕಳದಿಯಲ್ಲ ದಿನ ಮಾಡುವ ankita sirigovinda vittala

ಕೇಳುವದರೊಳಗೆ ಕಳದಿಯಲ್ಲ ದಿನ ಮಾಡುವ-

ದೆಂದ್ಹೇಳಲೆ ಮನವೆ ಪ

ಮನನ ಮಾಡಿ ಮಾಧವನ ಮಹಿಮೆ

ಅನುಭವಕೆ ತಾರದೆ ಈ ಪರಿಯಲಿ ಬರೆ ಅ.ಪ

ಪರರ ಹರಟೆಗೆ ಪರವಶನಾಗುತ ನಿರುತ ಈ

ಪರಿ ಕಾಲ ಕಳೆವೆ

ಮರಳಿ ಹರಿಸ್ಮರಿಸರೆಂದು ಡಂಗುರ ಹೊಯ್ಯವ

ಗುರುಹಿರಿಯರ ನುಡಿಗಳು 1

ಹೆಣ್ಣು ಮಣ್ಣು ಹಣವನ್ನು ನಂಬಿ ನೀನು

ಕೆಡದಿರೆಲೊಯಂದೆನುತ

ಚನ್ನಾಗಿ ಸರ್ವತ್ರ ಕೇಳಿ ನೀ ಮುನ್ನಿನಂತೆ

ಆಚರಿಸುತಿರುವಿಯಾ 2

e್ಞÁನವಿಟ್ಟು ಪವಮಾನ ವಂದಿತನ

ಗಾನಮಾಡು ಶ್ರೀಹರಿಗುಣವಾ

ಮಾನದ ಸಿರಿ ಗೋವಿಂದವಿಠಲಗೆ ಹೀನ

ಲೇಸುಗಳ ಅರ್ಪಿಸು ಮರೆಯದೆ 3

***