ಕುದುರೆ ಕಂಡೀರ್ಯಾ ಬಿಳಿ ಕುದುರೆ ಕಂಡೀರ್ಯಾ ankita rajesha hayamukha

..

kruti by ವಿಶ್ವೇಂದ್ರತೀರ್ಥರು vishwendra teertharu sode mutt

ಕುದುರೆ ಕಂಡೀರ್ಯಾ ಬಿಳಿ ಕುದುರೆ ಕಂಡೀರ್ಯಾ

ಚೆಲುವ ಕುದುರೆ ಕಂಡೀರ್ಯಾ

ಮಧ್ವರಾಯರಿಗೊಲಿದ ಕುದುರೆ

ವಾದಿರಾಜರ ಪೊರೆದ ಕುದುರೆ

ಇಂದಿರಾ ದೇವಿಯನಪ್ಪಿದ ಕುದುರೆ

ಬಂದರೆ ನರರು ಬೆದರದಂಥ ಕುದುರೆ 1

ಮಂದರಗಿರಿಯನ್ನೆತ್ತಿದ ಕುದುರೆ

ಚಂದಿರನಂತೆ ಪೊಳೆಯುವ ಕುದುರೆ

ಸೋದೆಯ ಪುರದೊಳಿರುವ ಕುದುರೆ

ಮೋದದಿಂದ ಮೆರೆಯುವ ಕುದುರೆ 2

ಸುರರಿಗಮೃತವನ್ನಿತ್ತ ಕುದುರೆ

ನರನ ರಥವನು ಏರಿದ ಕುದುರೆ

ಸ್ಮರನ ತಾತನೆನಿಪ ಕುದುರೆ

ಸುರತರುವನೆ ಭೂಮಿಗೆ ತಂದ ಕುದುರೆ 3

ಕಡಲೆ ಹೂರಣ ಮೆಲುವ ಕುದುರೆ

ಪಂಡರಪುರದಿ ಮೇದ ಕುದುರೆ

ಪುಂಡರೀಕನಿಗೆ ಒಲಿದಿಹ ಕುದುರೆ

ಪಾಂಡವರನೆ ಪೊರೆದ ಕುದುರೆ 4

ರಾಜನಾಥನೆನಿಪ ಕುದುರೆ

ವಾಜಿವದನ ತಾನೆನಿಪ ಕುದುರೆ

ಕಂಜಸುತಗೆ ಶ್ರುತಿಯನ್ನಿತ್ತ ಕುದುರೆ

ಕಂಜನಾಭನೆನಿಪ ಕುದುರೆ 5

***