ಧನ್ಯನಾಗೆಲೊ ಮುನ್ನ ಹರಿಯ ಕಾರುಣ್ಯವನೆ ಪಡೆದು ankita karpara narahari

ಧನ್ಯನಾಗೆಲೊ ಮುನ್ನ ಹರಿಯ ಕಾ

ರುಣ್ಯವನೆ ಪಡೆದು ಮಾನವನೆ ಪ

ಇನ್ನು ಸಂಸ್ಮøತಿಯ ಬನ್ನ ಬಿಡಿಸುವ

ಪನ್ನಗಾರಿ ಧ್ವಜನನ್ನು ಧ್ಯಾನಿಸುತ ಅ.ಪ

ಕಣ್ಣಿನಿಂದಲಿ ನೋಡು ಹರಿಯಲಾವಣ್ಯ ಮೂರ್ತಿಯನು

ಕರ್ಣದಿಂದಲಿ ಕೇಳು ಹರಿಯ ಪಾವನ್ನ ಕೀರ್ತಿಯನು

ಅನ್ಯವಾರ್ತೆಗಳಾಡದೆ ವದನದಿ ಘನ್ನ ಹರಿಯಗಣಗಳನ್ನೇ

ಬಣ್ಣಿಸುತ 1

ಹಸ್ತವೆರಡು ಹರಿಮಂದಿರ ಮಾರ್ಜನಕೃತ್ಯ ಮಾಡುತಿರಲಿ

ಮತ್ತೆ ಪಾದಗಳು ಚಿತ್ತಜನಯ್ಯನ ಕ್ಷೇತ್ರ ತಿರುಗುತಿರಲಿ

ಚಿತ್ತವಿರಲಿ ಆಧ್ಯಾತ್ಮ ತತ್ವದಲಿ ಮತ್ತನಾಗದಲೆ

ಭೃತ್ಯನಾಗಿ ಬಲು 2

ಇಂತು ಪಡಿಯೊ ಶಿರಿಕಾಂತನಲ್ಲಿ ಏಕಾಂತ ಭಕ್ತಿಯನು

ಸಂತತ ಹರಿಗುಣ ಚಿಂತನದಿ ವಿಷಯ

ಭ್ರಾಂತಿಯ ಬಿಡು ನೀನು

ಶಾಂತಮನದಿ ಗುರುಮಧ್ವಮತದ ಸಿದ್ಧಾಂತ

ಪೇಳುವ ಮಹಂತರ ಸೇವಿಸಿ 3

ಸಾರ್ಥವಿದೆ ತಿಳಿ ಪಾರ್ಥಸಖನು ಸರ್ವತ್ರ ಇಹನೆಂದು

ಗಾತ್ರದೊಳು ಪ್ರತ್ಯಗಾತ್ಮನಲ್ಲಿ ಸದ್ಭಕ್ತಿಮಾಡು ತಿಳಿದು

ಮತ್ರ್ಯ ಜನ್ಮಕಿದು ಸಾರ್ಥಕವೊ ಸುಖತೀರ್ಥರ ಕರುಣಾ

ಪಾತ್ರನಾಗಿ ಬಲು 4

ಈ ತೆರದಿ ಸಂಪ್ರಾರ್ಥಿಪರಿಗಿಷ್ಟಾರ್ಥಗಳ ಕೊಡುವಾ

ಭೂತಲದಿ ಪ್ರಖ್ಯಾತ ಕಾರ್ಪರ ಕ್ಷೇತ್ರದಲಿ ಮೆರೆವ

ಪಾತಕ ಹರ ಶಿರಿನಾರಶಿಂಹನ ಕೃಪಾತಿಶಯದಿ ನಿ

ರ್ಭೀತನಾಗಿ ಬಲು 5

***