ದಾಸರ ದೂಷಿಪರೊ ಕುಜನರು ಹರಿದಾಸರ ನಿಂದಿಪರೊ ankita kamalanabha vittala

 ..

kruti by Nidaguruki Jeevubai

ದಾಸರ ದೂಷಿಪರೊ ಕುಜನರು ಹರಿ-

ದಾಸರ ನಿಂದಿಪರೊ ಪ

ಏಸೇಸು ಜನುಮದ ದೋಷರಾಶಿಗಳೆಲ್ಲ

ನಾಶವಗೈÀವ ಶ್ರೀಕೇಶವನಣುಗರ ಅ.ಪ

ಮಂದಮತಿಗಳೆಲ್ಲರೂ ಸಜ್ಜನರ

ನಿಂದನೆಯೊಳಗಿಹರೊ

ಮುಂದಿನ ಬವಣೆಗಳೊಂದೆಣಿಸದಲೆ ಮು-

ಕುಂದನ ಭಕುತರ ಸಂದಣಿ ಸೇವಿಪ 1

ಇಂದಿರೇಶನ ಗುಣವ ಪಾಡುತಲಿ ಆ-

ನಂದದೊಳೋಲ್ಯಾಡುವ

ನಂದಕಂದನ ಲೀಲೆಯಿಂದ ಹಗಲಿರುಳು ಮು-

ಕುಂದನ ಕುಣಿಸುವರೊ ದಣಿಯುವರೊ 2

ಆರು ಮಂದಿಗಳ ಗೆದ್ದು ಹೃದಯದಲ್ಲಿ ಶ್ರೀ-

ಮಾಧವನನು ಕಾಂಬರ

ಶ್ರೀಧರನಂಘ್ರಿಗಳಾದರದಿಂ ಭಜಿಸಲು

ಸಾಧು ಗುರುಗಳು ಇವರು ಸುಂದರರು 3

ಸುರಮುನಿವರ ಪ್ರಿಯನ ಭಕ್ತರಿಗೆಲ್ಲ

ವರಗಳ ಕೊಡುತಿಹನ

ಪರಮಪಾವನ ಮೂರುತಿಯನೆ ಕೊಂಡಾಡುತ

ದುರಿತಗಳಳಿಯುವರ ಪಾವನರ 4

ಕರೆದು ಭಕ್ತರ ಸಲಹುವ ಕರುಣದೊಳು ಮೂ-

ರ್ಜಗದÉೂಡೆಯನ ಪಾಡುವ

ಪರಮ ಗುರುಗಳ ಮುಖ್ಯ ಕಾರಣವು ಪಡೆದವರು 

ಶ್ರೀ-ಕಮಲನಾಭ ವಿಠ್ಠಲನೆನ್ನುವರು5

***