ಪತಿತಪಾವನರಂಗ ಸತತ ಕಾಯೊ ಗತಿಯಾರು ankita jayesha vittala

 ..

ಪತಿತ ಪಾವನರಂಗ ಸತತ ಕಾಯೊ

ಗತಿಯಾರು ನಿನ್ನುಳಿದು ಶ್ರುತಿವಿನುತ ಗೋಪಾಲ ಪ

ಆದಿಮೂಲನು ನೀನು ಆದಿರಹಿತನೆ ಸ್ವಾಮಿ

ಸಾಧ್ಯ ಸಾಧಕ ಸೇವ್ಯ ಸೇವಕನ ಕೃಷ್ಣ

ಭಾದ್ಯ ಭಾಧಕ ರಮಾರಾಧ್ಯ ಚಿತ್ಸುಖ ಸುಖ ಸಿಂಧು

ಕಾದುಕೋ ನಿನ್ನವನ ಆದಿರೋಗವÀ ಕಳೆದೂ 1

ನಾರಿ ದ್ರೌಪದಿ ಮಾನ ಕಾಯ್ದ ವಿಖ್ಯಾತನೆ ಶೌರಿ

ಕ್ರೂರ ನಕ್ರನ ಕೊಂದು ಕರಿಯ ಪೊರೆದೆ

ಹಾರಿ ಹಾವಿನ ಹೆಡೆಯ ಮೆಟ್ಟಿ ನರ್ತನಗೈದೆ

ಕ್ರೂರ ಫಣಿಯನು ಪೊರೆದ ಅಕ್ರೂರ ಸನ್ನುತ ಪಾಹಿ 2

ಪೋತಧ್ರುವ ಪ್ರಹ್ಲಾದ ಪುಂಡರೀಕರ ಪಾಲ

ಖ್ಯಾತ ಅಜಮಿಳನ ವಿಜಯಸೂತ

ಭೀತಿ ರಹಿತನ ಮಾಡು ಮಾಶತರೀಶ್ವನ ದೇವ

ದಾತ ಜಯೇಶವಿಠಲ ನೀ ಅಭಯ ಪಾಲಿಸೊ ದೊರೆಯೆ 3

***