ಅಂಜಲ್ಯಾತಕೋ ಅಖಿಳ ಭವದುರಿತನೆ ankita kadarundalagihanumaiah

ಅಂಜಲ್ಯಾತಕೋ ಅಖಿಳ ಭವದುರಿತನೆ

ಅಂಜನೆಯ ಸುತಗೆ ಆರೋಪಿಸಿದ ಬಳಿಕ ಪ

ಪಾತಕವು ಬಿಡದೆಂದು ಪರಿಪರಿಯ ಚಿಂತಿಸುತ

ಯಾತಕೆನ್ನಭಿಮಾನ ನಾಥನಿರಲು

ಮಾತಪಿತರಲ್ಲಿ ನಿರ್ಮಿತಮಾಡಿ ನಿಲ್ಲಿಸಿದ

ಆತನಾಜ್ಞೆಯಾದಂತೆ ಆಗುವುದಲ್ಲದೆ 1

ಗುಡ್ಡದಂತೆ ದುರಿತ ಘೋರಿಸುವೆನೆನುತಲಿ

ಅಡ್ಡಬಂದಾಗ ಓಡಿಸುವೆನೆನುತ

ಅಡ್ಡಬಂದಾಗಂತ್ಯ ಕಾಲದಲಿ ರಕ್ಷಿಸುವ

ದೊಡ್ಡ ಕಂಗಳನೆಂಬ ಧೊರೆಯ ಹೊಂದಿದ ಮೇಲೆ 2

ಸೃಷ್ಟಿಯನು ಮಾಡಿದ ಇಷ್ಟ ದೇವತೆ ನಿಮ್ಮ ಬಿಟ್ಟವನೆ

ಭ್ರಷ್ಟ ಚಿಂತೆಯು ಬೇಡವೋ

ಕಷ್ಟಗಳ ಕಳೆವ ಕದರುಂಡಲಗಿ ಹನುಮಯ್ಯನ

ನಿಷ್ಠೆಯಲಿ ಭಜಿಸಿ ನಿಶ್ಚಿಂತನಾಗಿರು ಮನವೆ 3

***