ಪೂರ್ಣ ಲಕ್ಷ್ಮೀರಮಣ ನಿತ್ಯ ವಿಭವ ankita jayesha vittala

..

ಪೂರ್ಣ ಲಕ್ಷ್ಮೀರಮಣ ನಿತ್ಯ ವಿಭವ ಪ

ಪೂರ್ಣ ಸದ್ಗುಣವನಧಿ ಆನಂದಮಯ ಬಾರೊ ಅ.ಪ

ನಿನ್ನಲ್ಲಿ ನಾನಿಹೆನು ನನ್ನಲ್ಲಿ ನೀನಿರುವಿ

ಇನ್ನು ಈ ಸ್ಮøತಿ ನಿತ್ಯ ಇತ್ತು ಪೊರೆಯೊ

ಧನ್ಯ ಮಾನ್ಯರ ಸಂಗ ಸತತ ಪಾಲಿಸು ದೇವ

ಭಿನ್ನ ಸ್ಮøತಿ ದುಸ್ಸಂಗ ಎಂದೆಂದು ಕೊಡದಿರು 1

ಶಿರ ಮನಸು ನಿನ್ನಂಘ್ರಿ ನಿನ್ನ ವರ ಪದ ಪದ್ಮ

ನಿರುತ ಪೊಂದಿಹ ಪದವಿ ಪಾಲಿಸೆನಗೆ

ಮರುತ ಮಂದಿರ ಮಹಾ ಕರುಣಾರ್ಣವನೆ ಶೌರಿ

ಗಿರಿಜೇಶಸಖ ಯನ್ನ ಹೃತ್ಕಂಜಮನೆ ಮಾಡು 2

ನಿನ್ನ ಗರ್ಭದಿ ಇರುವ ನಿರ್ಭೀತಿ ಸುಖ ನೀಡು

ಮನ್ನದಲಿ ನೀ ಕೂಡು ಜಯೇಶವಿಠಲ

ಧನ್ಯ ಭಕ್ತರು ಮಾಳ್ಪ ಭಕ್ತಿ ವಿಧಿ ಪೂಜೆಗಳ

ಎನ್ನಲ್ಲಿ ತೋರಯ್ಯ ಹಿರಿಯರ ಪುಣ್ಯವನಿತ್ತು 3

***