ಸಂತಚರಿಯ ಗೂಢಾ ತಿಳಿಯದು ಭ್ರಾಂತರಿಗಿದು ನೋಡಾ ankita gurumahipati

ಕಾಖಂಡಕಿ ಶ್ರೀ ಕೃಷ್ಣದಾಸರು

ಸಂತಚರಿಯ ಗೂಢಾ | ತಿಳಿಯದು | ಭ್ರಾಂತರಿಗಿದು ನೋಡಾ ಪ 

ವೇಷವ ಸಂತರು ದೋರುವದಿಲ್ಲಾ | ಆಶಾಪಾಶಕ ಶಿಲಕುವರಲ್ಲಾ 1 

ಹೊರಗಾಚರಿಯು ಲೋಕದ ಸರಿಯಾ | ಇರುತಿಹ ಏನೇನರಿಯದ ಪರಿಯಾ 2 

ವಿಷಯ ರೂಪವ ಬ್ರಹ್ಮ ಭಾವನೆ ಬಗೆವಾ | ಪರಿ ಕೇಡಿಹ ಜಗವಾ 3 

ತೋರನು ವಾಗ್ವಿಸ್ತಾರ ಬಹಳಾ | ಮೀರಿನೆರಿಹಿಕೊಳ್ಳ ಡಿಂಗರ ಮೇಳಾ 4 

ದಾವ ಮಾನವರೆಂದು ಸಂತರ ತಿಳಿವಾ | ರವರವ ನರಕದ ಕುಂಡದಲಿಳಿವಾ 5 

ಕೋಟ್ಯಾನುಕೋಟಿಗೊಬ್ಬಿಹನು ಸಾಧು | ಸಾಟಿಲ್ಲವರಿಗೆ ಧರಿಯೊಳಗಿಂದು 6 

ಮಹಿಪತಿನಂದನ ಪ್ರಭುವಿನ ದಯವಿನಾ | ಮಹಿಮೆಯ ತಿಳಿಯದು ಹೇಳಲಿನ್ನೇನಾ 7

***