ಹಾಲು ಕುಡಿಯೋ ಬಾರೊ ankita gurumadhwesha vittala HAALU KUDIYO BAARO

 

ಹಾಲು ಕುಡಿಯೋ ಬಾರೊ ಬಾಲ ಶ್ರೀಕೃಷ್ಣಾ ನ l

ಮೈಮಾಕಳ ನೊರೆ ಹಾಲು ಕುಡಿಯೊ ಕಾದಾ ಕೆನೆ l

ಪಾಲು ಚಿತ್ರಾ ಬೆಣ್ಣೆ ಪಾಲೂ ll ಪ ll

ಕಂದಾ ನೀ ಹಸುದೀ ಎಂದು ತಂದಿನೀ ಪಾಲು ಗೋ l

ವಿಂದಾ ಬಾ ಎನ್ನ ತಂದೆ ಬಾ ನಿತ್ಯಾನಂದ ಬಾ ll 1 ll

ಬೆಣ್ಣೆ ಹಾಕಿದ ಪಾಲು ತಣ್ಣಗಾದವು ಬೇ l

ಗುಣ್ಣ ಬಾ ನಮ್ಮಣ್ಣ ಬಾ ಸಾಚಾರಣ್ಣ ಬಾ ll 2 ll

ಸಪ್ಪಾಗಿಲ್ಲವೋ ಜೇನುತುಪ್ಪದಂತೆ ಪಾಲು l

ಅಪ್ಪ ಬಾ ನಮ್ಮಪ್ಪ ಬಾ ಜಿತ ಕಂದರ್ಪಬಾ ll 3 ll

ಖಮ್ಮಾನಾ ಹಾಲಿವು ಧಮ್ಮಾವಾಗುವಿ ಕುಡಿದರೆ l

ತಮ್ಮ ಬಾ ನಮ್ಮಮ್ಮಾ ಬಾ ಪುರುಷೋತ್ತುಮ್ಮ ಬಾ ll 4 ll

ದುಗ್ದ ವಿದ್ಯಾ ಗುರುಮಧ್ವೇಶವಿಟ್ಠಲಾ l

ಸಿದ್ಧ ಬಾ ಸುಪ್ರಸಿದ್ಧ ಬಾ ನಿತ್ಯಾಭಿವೃದ್ಧ ಬಾ ll 5 ll

***