ಮಂಗಳಪಂಡರಿವಾಸನಿಗೆ ಜಯ ಮಂಗಳ ಇಟ್ಟಿಗೆ ankita gopalakrishna vittala MANGALA PANDARIVAASANIGE JAYA MANGALA ITTIGE

ರಾಗ ಸಿಂಧು ಭೈರವಿ  ತಾಳ ಖಂಡ ಛಾಪು

ಮಂಗಳ ಪಂಡರಿವಾಸನಿಗೆ ಜಯ

ಮಂಗಳ ಇಟ್ಟಿಗೆ ನಿಲಯನಿಗೆ ಪ.

ಗೋಕುಲವಾಸಗೆ ಆಕಳ ಪಾಲಗೆ

ಲೋಕ ಲೋಕಗಳನ್ನು ಪೊರೆವನಿಗೆ

ಪಾಕಶಾಸನ ವಂದ್ಯ ರುಕ್ಮಿಣಿ ರಮಣಗೆ

ಲೋಕಮೋಹನ ಪಾಂಡುರಂಗನಿಗೆ 1

ಪಾಂಡವ ಪಾಲಕ ಪುಂಡಲೀಕನಿಗೊಲಿದು

ಪಂಡರಿಕ್ಷೇತ್ರದಿ ನೆಲಸಿದಗೆ

ತಂಡ ತಂಡದ ಭಕ್ತ ಮಂಡೆ ಸೋಕಿಸಿಕೊಂಬ

ಪುಂಡರೀಕ ಪಾದಯುಗಳನಿಗೆ 2

ಕಟಿಯಲ್ಲಿ ಕರವಿಟ್ಟು ಕೈಲಿ ಶಂಖವ ಪಿಡಿದು

ನಟನೆಗೈಯ್ಯುವ ವೇಷಧಾರಕಗೆ

ತಟಿನಿ ಚಂದ್ರಭಾಗೆ ತೀರದಿ ಮೆರೆಯುವ

ವಟುರೂಪಿ ಗೋಪಾಲಕೃಷ್ಣವಿಠ್ಠಲಗೆ 3

****