ಆನಂದರತ್ನ ಪರಮಪ್ರಿಯರೆಂಬೊ ಬಿರುದುಳ್ಳ ankita gopalakrishna vittala

ಆನಂದರತ್ನ ಪರಮಪ್ರಿಯರೆಂಬೊ ಬಿರುದುಳ್ಳ

ಶ್ರೀ ಗುರುವರರಾಯ ಪ.

ಏನೆಂಬೆ ನಾ ನಿಮ್ಮ ಕರುಣಕ್ಕೆ ಎಣೆಗಾಣೆ ಶ್ರೀ ಗುರುವರರಾಯ ಅ.ಪ.

ಭೂಸುರ ಜನ್ಮದಲಿ ದಾಸತ್ವದಿಂದ ಮೆರೆವೊ |

ಶ್ರೀ ಗುರುವರರಾಯ

ಸಾಸಿರ ಫಣಿ ಪನ್ನಗಶಯನನ ಭಜಿಸುವೊ |

ಶ್ರೀ ಗುರುವರರಾಯ 1

ಶ್ರೀ ತಂದೆ ಮುದ್ದುಮೋಹನವಿಠಲದಾಸ | ಶ್ರೀ ಗುರುವರರಾಯ

ಪ್ರೀತಿಯಿಂದ ಹರಿಯ ಅಂಕಿತ ಕೊಡುವಂಥ |

ಶ್ರೀ ಗುರುವರರಾಯ 2

ಅe್ಞÁನಿಯಾದೆನಗೆ ಸುe್ಞÁನವಿತ್ತು ಕಾಯ್ದೆ |

ಶ್ರೀ ಗುರುವರರಾಯ

ವಿಘ್ನಗಳನೆ ತರಿದು ಪ್ರಾe್ಞÁ ಮೂರುತಿಯ ತೋರೈ |

ಶ್ರೀ ಗುರುವರರಾಯ 3

ಮಂದಜ್ಞರಿಗೆ e್ಞÁನ ತಂದಿತ್ತು ರಕ್ಷಿಪ | ಶ್ರೀ ಗುರುವರರಾಯ

ಬಂದೆನು ನಿಮ್ಮ ಪಾದದ್ವಂದ್ವವೇ ಗತಿಯೆಂದು |

ಶ್ರೀ ಗುರುವರರಾಯ 4

ಅರಿಯೆನು ಅನ್ಯರ ಪರಿಹರಿಸಿ ಭವ | ಶ್ರೀ ಗುರುವರರಾಯ

ತರಳನ ಕಾಯ್ದ ನರಹರಿಯ ಭಜಿಸುವಂಥ |

ಶ್ರೀ ಗುರುವರರಾಯ 5

ಅಪರಾಧವೆಣಿಸದೆ ಸುಪಥಮಾರ್ಗವ ತೋರೈ |

ಶ್ರೀ ಗುರುವರರಾಯ

ಗುಪಿತ ಮಹಿಮ ನಿನ್ನ ಜಗದೊಳರಿವರ್ಯಾರು |

ಶ್ರೀ ಗುರುವರರಾಯ 6

ಅರಿಯಬಲ್ಲೆನೆ ನಿಮ್ಮ ಅಗಣಿತ ಮಹಿಮೆಯ |

ಶ್ರೀ ಗುರುವರರಾಯ

ಸುರನರರಿಂದಲಿ ವಂದನೆಗೊಂಬುವ | ಶ್ರೀ ಗುರುವರರಾಯ 7

ಅಂತರಂಗದಿ ಆನಂದವನಿತ್ತ ಮಹಿಮ | ಶ್ರೀ ಗುರುವರರಾಯ

ಶಾಂತಮೂರುತಿ ನಿಮ್ಮ ಶರಣೆಂದು ಭಜಿಸುವೆ |

ಶ್ರೀ ಗುರುವರರಾಯ 8

ನೀತ ಗುರುವೆ ನಿಮ್ಮ ನಂಬಿದೆ ಸಲಹಯ್ಯ |

ಶ್ರೀ ಗುರುವರರಾಯ

ಖ್ಯಾತ ಶ್ರೀ ಗೋಪಾಲಕೃಷ್ಣವಿಠಲ ಪ್ರಿಯ |

ಶ್ರೀ ಗುರುವರರಾಯ 9

***