ಯಃ ಕೌಪೀನಧರೋಪಿ by pandarinathacharya ಸುಯಮೀಂದ್ರ ಯತೀಂದ್ರ ವಂದನ suyameendra teertha stutih

suyameendra teertha rayara mutt 1967 yati stutih 

 " ಶ್ರೀ ಸುಯಮೀಂದ್ರ ಯತೀಂದ್ರ ವಂದನ ರತ್ನಮಾಲಾ "

ರಚನೆ : ವಿದ್ವಾನ್ ಶ್ರೀ ಗಲಗಲಿ ಪಂಢರಿನಾಥಾಚಾರ್ಯರು

ಯಃ ಕೌಪೀನಧರೋಪಿ ಸಂತತ ಮಹೋ ಪೀತಾಂಬರೈಕಾದರಃ

ರಾಮಾರಾಗವಿವರ್ಜಿತೋsಪಿ ವಿಲಸದ್ರಾಮಾಂಘ್ರಿ ಪೂಜಾರತಃ ।

ಯೋ ವಾ ಯೋಗಿ ವಿರಾಗ್ಯಪೀಹ ಭುವನೇ ಲೋಕಾನುರಾಗೀ ಶ್ರುತಃ

ತಂ ವಿದ್ವತ್ಕುಲ ವಂದಿತಾಂಘ್ರಿ ಯುಗಲಂ ಶ್ರೀ ಸಂಯಮೀ೦ದ್ರಂ ಶ್ರಯೇ ।। ೧ ।।

ಪಾಂಡಿತಸ್ಯ ಪರೋವಧಿರ್ಗುಣನಿಧಿರ್ಯೋ ದಾತೃತಾಶೇವಧಿ:

ಗಾಂಭೀರ್ಯೇಣ ಜಿತಾಂಬುಧಿರ್ನಿರುಪಧಿಧ್ಯಾನೀಶಭಕ್ತಸ್ಸುಧೀ: ।

ಆಧಿವ್ಯಾಧಿಶುಗಾದ್ಯುಪಾಧಿಹರ ಸಚ್ಛ್ರೀರಾಘವೇಂದ್ರಪ್ರಭೋ:

ಶಶ್ವತ್ನನ್ನಿಧಿಭೃತ್ತಪೋನಿಧಿಮಮುಂ ಶ್ರೀ ಸಂಯಮೀ೦ದ್ರಂ ಭಜೇ ।। ೨ ।।

ಯಸ್ತ್ವಿ೦ದ್ರೋSಪಿ ಜಿತೇಂದ್ರಿಯೋ ಹಿ ಸುಯಮೀ ಚೈವಂ ಗುರುಸ್ಸನ್ನಪಿ

ಜಾತು ದ್ವೇಷ್ಟಿ ಕವಿಂ ನ ಯಮ್ಯಪಿ ಯಮತ್ರಾಸಾಪಹಂತಾ ನೃಣಾ೦ ।

ಧತ್ತೇ ದಂಡಮಹೋ ನ ದಂಡ್ಯಪಿ ಕ್ವಚಚ್ಚ೦ಡೋ ದಯಾಮಂಡಿತಃ

ವಂದೇ ತಂ ಗುಣಸಿಂಧುವರ್ಧನನವೇಂದು೦ ಸಂಯಮೀ೦ದ್ರಂ ಗುರು೦ ।। ೩ ।।

ಶ್ರೀ ಮಂತ್ರಾಲಯ ಸಂಸ್ಥ ಮಾಂತ್ರಿಕ ಗುರೋ: ಶ್ರೀ ರಾಘವೇಂದ್ರ ಪ್ರಭೋ:

ಸೇವಾ ದರ್ಶನ ತತ್ಪ್ರಸಾದ ಫಲ ಸಂಪ್ರಾಪ್ತ್ಯಾಶಯಾSಗಚ್ಛತಾಮ್ ।

ನಿತ್ಯಂ ನೈಕಸಹಸ್ರ ಯಾತ್ರಿಕನೃಣಾ೦ ಭೋಜಪ್ರಬಂಧಂ ಮಹತ್

ಯಶ್ಚಕ್ರೇ ಪ್ರಥಮಂ ನಿವಾಸಸುವಿಧಾ೦ ತಂ ಸಂಯಮೀ೦ದ್ರಂಸ್ತುಮ: ।। ೪ ।।

ಯನ್ನಾಮಾಂತಿಮತೀರ್ಥ ಸಾರ್ಥಪದಸನ್ಮಾಮಾಹಾತ್ಮ್ಯತಸ್ಸಾ೦ಗತಃ

ಕಾಮಾಗ್ನಿರ್ನ ತು ಕೋಪವಹ್ನಿರಭವಚ್ಛಾ೦ತೋ ನಿತಾಂತಂ ಪುರಾ ।

ಅನ್ಯೇ ಲೋಭಮದಾತ್ಮಮೋಹಮಮತಾದ್ಯಾ ದುರ್ಗುಣಾ: ಕ್ಷಾಲಿತಾ

ಷಡ್ವೈರ್ಯುಜ್ಘಿತಷಡ್ಗುಣೋರ್ಜಿತ ಗುರು೦ ಷಟ್ ಶಾಸ್ತ್ರವಿಜ್ಞ೦ ಭಜೇ ।। ೫ ।।

ನಿತ್ಯಂ ನಂಜನಗೂಡು ಇತ್ಯಭಿಹಿತ ಕ್ಷೇತ್ರಾಶ್ರಯೇ ಪತ್ತನೇ

ವಾಸ್ತವ್ಯಂ ನನು ತನ್ವತೋSಪಿ ಚ ಗುರೋ: ಶ್ರೀ ಸಂಯಮೀ೦ದ್ರಸ್ಯ ತೇ ।

ವಾಣೀ ಯಚ್ಛ ಸುಧಾಮಯೀ ಚ ಹೃದಯಂ ಪೀಯೂಷಪೂರ್ಣೋ ಘಟ:

ದೃಷ್ಟಿಶ್ಚಾಮೃತವರ್ಷಿಣೀ ತವ ಸುಧಾಸ್ವಾದಪ್ರಭಾವೋSಹ್ಯಯಂ ।। ೬ ।।

ಯಃ ಶಕ್ತೋSಪಿ ವರಕಭೂಸುರಬಹಿಷ್ಕಾರಾಸ್ತ್ರಮಯೋಜಯತ್

ನಾಶ್ವತ್ಥಾಮ ಇವಾಧಿಕಾರಮದತಃ ಕ್ರೌರ್ಯೇಣ ಕ್ವಾಪ್ಯೇಕದಾ ।

ನೈಕಂ ಯಶ್ಚ ತಿರಸ್ಯರೋತಿ ತು ಪುರಸ್ಯಾರಂ ದ್ವಿಜಾನಾ೦ ಕೃಪಾ

ಕೂಪಾರಃ ಕುರುತೇ ವಿಶಿಷ್ಯ ವಿದುಷಾ೦ ತಂ ಸಂಯಮೀ೦ದ್ರಂ ನುಮ: ।। ೭ ।।

ರಾಕಾಚಂದ್ರ ವಿಭಾಪ್ರಭಾಸಯಶಸಃ ಸಾಕಾರವೈರಾಗ್ಯಕಃ

ಶ್ರೀಕಾಂತಸ್ಯ ನಿರಾಂತರಾರ್ಚನ ಕೃತೇರೇಕಾಂತ ಭಕ್ತಾ ಇಮೇ ।

ಭೂ ಕಾಂತ ಕನಕಾದಿ ಮೋಹ ರಹಿತಾಃ ಶೋಕಾಂತಕಾರಾ ನೃಣಾ೦

ತೇ ಕುರ್ವಂತು ಸು ಸಂಯಮೀ೦ದ್ರ ಗುರುವೋSಸ್ತೋಕಾನುಕಂಪಾ೦ ಮಹಿ।।೮।।

ಆರೋಗ್ಯ೦ ಚಿರಭೋಗ್ಯಮೇಷ ಲಭತಾಂ ಯೋಗ್ಯೆಕಯೋಗ್ಯ೦ ತಥಾ

ಸೌಭಾಗ್ಯ೦ ಚಿರಭಕ್ತಿಮುಕ್ತಿದ ಮಹಾವೈರಾಗ್ಯಮಾಯು: ಪರಂ ।

ಮಾರ್ಕಂಡೇಯ ಇವಾತ್ರ ದಂಡಿನಿವಹಸ್ಯಾಖಂಡಮಾಖಂಡಲೋ

ನಂಜುಂಡಾಭಿಧಖಂಡಚಂದಿರಶಿಖಂಡಸ್ಥಾಚ್ಛ್ಯುತಾನುಗ್ರಹಾತ್ ।। ೯ ।।

*****