ತದಿಗೆ ಗೌರಿ song chaitra and vaishakha masa
more here https://raocollections.blogspot.com/2021/10/tadige-gowri.html
ಜಯ ಸಚ್ಚಿತ್ಸುಖರೊಪೇ ಪರಬ್ರಹ್ಮಸರಸಿ
ಜಯ ಜಗನ್ಮಯ ದೇವಿ ಜಗದಾದಿ ಮಾಯೆ !ಪ !
ನಿನ್ನ ಲೀಲೆ ಯೊಳಡಗಿಹುದೀ ಬ್ರಹ್ಮಾಂಡ
ನಿನ್ನ ಚೈತನ್ಯದೊಳಂಶ ಈ ಪಿಂಡ
ನಿನ್ನ ಹೊರತು ಮತ್ತಿನ್ನೇನನು ಅರಿಯೆ
ಸನ್ನುತಾಂಗಿಯೇ ಕೃಪೆ ಮಾಡಮ್ಮ ತಾಯೆ !೧!
ಮೂರು ಮೂರ್ತಿಯ ಶಕ್ತಿಯೊಡನೆ ನೀ ಕೂಡಿ
ಮೂರು ಗುಣಗಳಿಂದಲೇ ಜಗವ ಮಾಡಿ
ಮೂರು ಮೂರಾಗಿ ಮತ್ತೇಣಿಕೆಯಿಲ್ಲದ ರೀತಿ
ಪಾರವಿಲ್ಲದ ನಾಮರೂಪಭೇದದಿ ಮೆರೆವೆ ! ೨!
ಜಯತು ದೇವರ ದೇವಿ ಜಯತು ಮಂಗಳ ರೂಪೆ
ಜಯತು ಸರ್ವಾಧಾರೆ ಲಲಿತಾಂಬೆ ಜಯತು
ಜಯತು ಮೋಹನ ಮೂರ್ತಿ ಜಯತು ಕರುಣಾಸಾಂದ್ರೆ
ಜಯತು ಶ್ರೀ ಚಿದಂಬರ ಸದ್ಗುರು ರೂಪೆ !೩!
***
No comments:
Post a Comment