ವ್ಯಾಸಗಣನಾಥ ನಮೋ ವೇದವ್ಯಾಸ ankita vidyesha vittala vedavyasa stutih

ವ್ಯಾಸಗಣನಾಥ ನಮೋ ವೇದವ್ಯಾಸ

ದೋಷದೂರ ಶುಭಗುಣನೀಲಕಾಯ ll ಪ ll

ತ್ರಾಸಾದಿದೋಷಭೇಷಜ ಪಶುಪತೇ

ಅಸಮರಸಪ್ರದ ಕುಸುಮಹಾಸ ll ಅ ಪ ll

ವಿಷಮಹೆಣ್ಣಿನಲಿ ಅಂಜದೆ ಜನಿಸಿ

ಅಸಮಜ್ಞಾನಕಾರ್ಯವನು ಮಾಡಿ ನೀ

ಋಷಿವಂದಿತಗುರುವಾಗಿ ಮೆರೆದೆ

ಹ್ರಸಿತವಾಗಲಿಲ್ಲ ನಿನ್ನ ಮಹಿತ್ವ ll 1 ll

ಘ್ರುತಾಚಿಯಲಿ ಹುಸಿಕಾಮವ ತೋರಿ

ಉತ್ಪಾದಿಸಿ ಶುಕನ ಸೃಷ್ಟತೇಜದಿ 

ಕೃತ್ತಿವಾಸನೊಲುಮೆಯಿಂದೆಂದು ಭ್ರಾಂತಿ

ವಿತ್ತೆ ನೀ ಹೀನರಿಗೆ ಪರ್ಯಾಪ್ತಕಾಮ ll 2 ll

ಕಾಮಾದಿದೋಷಧಾಮನಾದರೆ ಅಮಿತ

ಧಾಮವೆಲ್ಲಿ ಅಸ್ತ್ರವ ನಿರೋಧಿಸಲು

ನಮ್ಮ ಶ್ಯಾಮಲ *ವಿದ್ಯೇಶವಿಟ್ಠಲ*ಗೆ

'ಆತ್ಮತಂತ್ರ'ನೀತ ಕಾಮಾದಿರಹಿತ ll 3 ll

***