ಸತ್ಯಬೋಧ ಕುವರಾ ಯತಿವರಾ ankita rateeshpriyahayavadana satyasandha teertha stutih

 ಶ್ರೀ ಸತ್ಯಸಂಧತೀರ್ಥರ ಪೂರ್ವಾರಾಧನಾ ಪ್ರಯುಕ್ತ ಗುರುಸ್ಮರಣೆ

ಸತ್ಯಬೋಧ ಕುವರಾ,  ಯತಿವರಾ,

ಸತ್ಯಸಂಧ ಗುರುವರಾ, ಶ್ರೀಕರಾ/

ನಿತ್ಯದಲ್ಲಿ ಹರಿಪಾದ ಸ್ಮರಣೆಯಾ,

ಅತ್ಯಲ್ಪ ಮತಿಯೋಳೆನ್ನ ತಾರೆಯಾ//**//

ಇಂಥ ಸುಗುಣವಂತರಾ, ನಾನೆಲ್ಲಿ,

ಚಿಂತಿಸಲನ್ಯರೋಳ್, ತೋರದಿಲ್ಲಿ/

ಸಂತತ ಹರಿಯಾ ಮೋದದಿ ಭಜಿಸುತಾ,

ಕಾಂತ ಸೀತೆಯಾ ನಿತ್ಯ ಧ್ಯಾನಿಪರಾ//೧//

ಏನು ಮಹಿಮೆ, ಅಲ್ಪಾ ಮತಿಯಾ,

ಅಣುಗ ಪೇಳಲರಿಯೇ/ ಅಮರ -

ಗಣನುತ ರಾಮ ಪೂಜೆಯಿಂ,

ಸುಗುಣಮುನಿ ಸದ್ವ್ರತರ ನಲಿಸಿದಾ//೨//

ರಾಮ ಪೂಜೆಗೆಂದು ತಂದಿಹ,

ಕಮಲವು ನ್ಯೂ(೨)ನವಾಗೇ,

ಕಮಲೆಗೇರಿಸೇ ರಾಮನಿತ್ತಿಹಾ,

ಸುಮ-ದ, ಧನ್ಯ, ವಿಮಲಾರ್ಚಾರ್ಚಕರಾ//೩//

ಮಹಿಷೀ ಕ್ಷೇತ್ರದೊಳಗೇ, ವರ

ಅಹಿ(-)ಶಯನನ ಧೇನಿಸುತಾ,

ದೇಹಿ ಎಂಬರಾ, ಇಷ್ಟಸಿದ್ಧಿದರಾ,

ಅಹೋ! ಸುವೃಂದಾವನ ಭೂಷಿತರಾ//೪//

ಸತ್ಯಧರ್ಮ ಮುನಿಪ ತರಳ,

ನಿತ್ಯದೀ ಬೇಡುವೆ ನಾ/

ಅತ್ಯಗಾಧ ಮತ್ಯಾರಾಧಕ, ಭಾ-

ರತೀಶಪ್ರಿಯಹಯವದನಗೆ ಪ್ರಿಯರಾ/೫//

***