ಕುಣಿ ಕುಣಿಯಲೋ ಬಾಲಗೋಪಾಲ ankita prasanna

 ರಾಗ - : ತಾಳ -

ಕುಣಿ ಕುಣಿಯಲೋ ಬಾಲಗೋಪಾಲ ll ಪ ll

ಗೋಪಾಲ ನೀರದ ನೀರ ll ಅ ಪ ll

ಯಮುನಾ ತೀರದಿ ಹಿಮಕಿರಣನು ತಾ

ಮಮತೆಯ ತೋರಲು ಬೆಳಗುತಿಹ

ಘಮಘಮಿಸುವ ಈ ಸುಮಗಳು ಸೂಸಿರೆ

ಪ್ರಮದೆಯರೆಲ್ಲರ ಪ್ರೇಮಾಂಗಣದಲಿ ll 1 ll

ಗಂಧವ ಮಾರುತ ಬೀರುತಲಿರುವನು

ಇಂದಿರೆ ಕೊಳಲಿನ ರೂಪದಲಿ

ಚಂದದಿ ನಾದವ ತುಂಬಲು ಪರಮಾ

ನಂದವು ಮಾನಸ ಮಂದಿರದಲಿ ನೀ ll 2 ll

ಕಾಯವು ರೋಮಾಂಚಿತವಾಯ್ತೊ

ಮಾಯವಾದವೊ ಮೋಹಗಳು

ತಾಯಿ ಮಡಿಲು ಸೇರಿದ ಶಿಶುವಂದದಿ

ಹಾಯವೆನಿಸಿತೊ ಜೀವನ ಯಾತ್ರೆಯು ll 3 ll

ಕಾಮ ಕ್ರೋಧ ಲೋಭ ಮೋಹ ಮದ ಮತ್ಸರ ಬಿಡಿಸೊ

ಸ್ವಾಮಿ ನಿನ್ನಯ ಪಾದಯುಗಳವೆ ಕ್ಷೇಮವೆನ್ನಿಸೊ

ಸಾರಾಸಾರ ವಿವೇಕದಿ ಮೋಕ್ಷದ ಕೋರಿಕೆ ಪುಟ್ಟಿಸೊ

ನಾರಾಯಣ ನಿನ್ನ ಕರುಣದಿ ಭವ ಪಾರ ಸೇರಿಸೋ ll 4 ll

ಸಾರದ ಕರುಣಕೆ ಕಾರಣ ಬಿಂಬದ ಮೂರುತಿ ದರುಶನವು

ಭಾರತಿ ರಮಣನ ಮಂಗಳಶಾಸ್ತ್ರ ವಿಚಾರವೆ ಕಾರಣವು

ಭಕುತ ಜನ ಪ್ರಸನ್ನ ಲಕುಮಿರಮಣ ಎನ್ನು

ತಕಿಟ ತಕಿಟ ಎಂದು ll 5 ll

***