ಮನ್ಮಥ ಜನಕನ ಮರೆತ ಮನುಜರು purandara vittala MANMATHA JANAKANA MARETA MANUJARU

ಮನ್ಮಥಜನಕನ ಮರೆತ ಮನುಜರು ಮರ ಮರ ಮರ ಮರಾ ಮರಾ
ಚಿನ್ಮಯರೂಪನ ಚಿಂತಿಸದವನು ಛಿ ಛಿ ಛಿ ಛಿ ಛೀ ಮನುಜ ||ಪ||

ಸುರರಿಂ ವಂದ್ಯನ ಸುತ್ತದ ಕಾಲು ಸೂಳೆಮನೆಮಂಚದ ಕಾಲು
ಉರಗಶಯನನ ನುಡಿಯದ ನಾಲಿಗೆ ಉಡುವಿನ ನಾಲಿಗೆಯು ||

ನಾರಾಯಣನ ಕಥೆ ಕೇಳದ ಕಿವಿ ಸೋರುವ ಮಾಳಿಗೆ ನಾಳಗಳು
ಸರಸಿಜ ನಾಭನ ಎತ್ತದ ಹೆಗಲು ಸತ್ತ ಕುರಿಯ ಹೆಗಲು ||

ಹರಿನೈವೇದ್ಯ ಉಣ್ಣದ ಬಾಯಿ ಹರಿದಾಡುವ ಹಾವಿನ ಹೋರು
ನರಹರಿರೂಪನ ನೋಡದ ಕಣ್ಣು ನವಿಲುಗರಿಯ ಕಣ್ಣು ||

ಕರಿವರದನ ಪೂಜಿಸದ ಕರಗಳು ದಾರಿಯ ತೋರುವ ಮರದ ಕೈಗಳು
ಗರುಡಗಮನನ ನಮಿಸದ ಶಿರವು ಉರಗನ ವಿಷತಲೆಯು ||

ಮಂಗಳಮೂರ್ತಿಯ ಪಾಡದ ಕಂಠ ಒಡೆದು ಹೋದ ಹರವಿನ ಕಂಠ
ರಂಗಪುರಂದರವಿಠಲನ ಮರೆತವ ರಜಕನ ಮನೆ ಕತ್ತೆಯೆ ನಿಜವು ||
***

pallavi

manmatha janakana manujaru mar mara mara marA marA cinmaya rUpana cintisadavanu chI chI chI chI chI manuja

caraNam 1

surarim vandyana suttada kAlu sULe mane mancada kAlu

uraga shayanana nuDiyada nAlige uDuvina nAligeyu

caraNam 2

nArAyaNana kathe kELada kivi sOruva mALige nALagaLu

sarasija nAbhana ettada heglu satta kuriya hegalu

caraNam 3

hari naivEdya uNNada bAyi haridADuva hAvina hOru

narahari rUpana nODada kaNNu navilugariya kaNNu

caraNam 4

karivaradana pUjisada karagaLu dAriya tOruva marada kaigaLu

garuDa gamanana namisada shiravu uragana viSadaleyu

caraNam 5

mangaLa mUrtiya pADada kaNTha oDedu hOda haravina kaNTha

ranga purandara viTTalana maretava rajakana mane katteye nijavu

***