ನಿನ್ನ ನಂಬಿದೆ ನೀರಜನಯನ ಎನ್ನ ಪಾಲಿಸೊ ಇಂದಿರಾರಮಣ purandara vittala NINNA NAMBIDE NEERAJANAYANA ENNA PAALISO INDIRARAMANA

Audio by Sri. Madhava Rao

ರಾಗ ಮೋಹನ ತ್ರಿಪುಟತಾಳ 

ನಿನ್ನ ನಂಬಿದೆ ನೀರಜನಯನ
ಎನ್ನ ಪಾಲಿಸೊ ಇಂದಿರಾರಮಣ ||ಪ||

ಮುನ್ನ ಪಾಂಚಾಲಿಯ ಮೊರೆಯ ಲಾಲಿಸಿ ಕಾಯ್ದ
ಪನ್ನಗಶಯನ ನೀ ಪರಮ ಪುರುಷನೆಂದು ||ಅ||

ಹರಿ ಸರ್ವೋತ್ತಮನಹುದೆಂಬೊ ಬಾಲಕನ
ಹಿರಣ್ಯಕಶಿಪು ಪಿಡಿದು ಬಾಧಿಸಲು
ನರಹರಿ ರೂಪದಿಂದವನ ವಕ್ಷವ ಸೀಳ್ದ
ವರ ವಿಶ್ವಾತ್ಮಕನಹುದೆಂದು ನಾ ಧೃಢವಾಗಿ ||

ಪಾದವ ಪಿಡಿದು ನೀರೊಳಗೆಳೆವ ನಕ್ರನ
ಬಾಧೆ ತಾಳದೆ ಕರಿ ಮೊರೆಯಿಡಲು
ಆದಿಮೂರುತಿ ಚಕ್ರದಿ ನಕ್ರನ ಕೊಂದ
ವೇದಾಂತವೇದ್ಯ ಅನಾಥ ರಕ್ಷಕನೆಂದು ||

ಇಳೆಯೊಡೆಯನ ತೊಡೆಗೆ ನೀನರ್ಹನಲ್ಲೆಂದು
ಲಲನೆ ಕೈ ಪಿಡಿದೆಳೆಯಲು ಕಂದನ
ನಳಿನಾಕ್ಷ ನಿನ್ನ ಮೊರೆಯ ಹೊಕ್ಕು ತಪಿಸಲು
ಒಲಿದು ಧ್ರುವಗೆ ನಿಜಲೋಕವಿತ್ತವನೆಂದು ||

ಸುದತಿ ಗೌತಮ ಸತಿ ಮುನಿ ಶಾಪದಿಂದಲಿ
ಒದಗಿ ಪಾಷಾಣರೂಪದಲಿರಲು
ಪದರಜದಿಂದಲಿ ಸತಿಯ ಮಾಡಿದ ಯೋಗಿ
ಹೃದಯಭೂಷಣ ನಿನ್ನ ಪಾದಮಹಿಮೆಯ ಕಂಡು ||

ಪರಮ ಪಾವನೆ ಜಗದೇಕ ಮಾತೆಯನು
ದುರುಳ ರಾವಣನು ಕದ್ದೊಯ್ದಿರಲು
ಶರಣೆಂದು ವಿಭೀಷಣ ಚರಣಕೆರಗಲಾಗಿ
ಸ್ಥಿರಪಟ್ಟವನು ಕೊಟ್ಟ ಪರಮಾತ್ಮನಹುದೆಂದು ||

ಅಂಬರೀಷನೆಂಬ ನೃಪ ದ್ವಾದಶಿ ವ್ರತ
ಸಂಭ್ರಮದಿ ಹರಿಗರ್ಪಿಸಲು
ದೊಂಬಿ ಮಾಡಿ ದೂರ್ವಾಸ ಶಪಿಸಲಾಗಿ
ಬೆಂಬಿಡದಲೆ ಚಕ್ರದಿಂದ ಕಾಯ್ದವನೆಂದು ||

ಧರೆಯೊಳು ನಿನ್ನ ಮಹಿಮೆಯ ಪೊಗಳುವರೆ
ಸರಸಿಜೋದ್ಭವ ಶೇಷರಿಗರಿದು
ಸ್ಮರಣೆ ಮಾತ್ರದಿ ಅಜಾಮಿಳಗೆ ಮುಕ್ತಿಯನಿತ್ತ
ಪುರಂದರವಿಠಲ ನೀ ಜಗದೀಶನೆಂದು ||
***

pallavi

ninna nambide nIraja nayana enna pAliso indirA ramaNa

anupallavi

munna pAncAliya moreya lALisi kAida pannaga shayana nI parama puruSanendu

caraNam 1

hari sarvOttamanahudembo bAlakana hirNyakashipu piDidu bAdhisalu

narahari rUpadindavana vakSava sILda vara vishvAtmaganahudendu nA dhDhavAgi

caraNam 2

pAdava piDidu nIroLageLeva nakrana pAdhe tALade kari moreyiDalu

Adi mUruti cakradi nakrana konda vEdAnta vEdya anAtha rakSakanendu

caraNam 3

iLeyoDeyana toDege nInarhanellendu lalane kai piDideLeyalu kandana

naLinAkSa ninna mareya hokku tapisalu olidu dhruvage nijalOkavittavanendu

caraNam 4

sudati gautama sati muni shApadindali odagi pASANa rUpadaviralu

padarajadindali satiya mADida yOgi hrdaya bhUSaNa ninna mahimeya kaNDu

caraNam 5

parama pAvanane jagadEka mAteyanu duruLa rAvaNanu kaddoidiralu

sharaNendu vibhISaNa caraNakeragalAgi sthirapaTTavanu koTTa paramAtmanahudendu

caraNam 6

ambarISanemba nrpa dvAdashi vrta sambhramadi harigarbisalu

dombi mADi durvAsa shapisalAgi bembiDadale cakradinda kAidavanendu

caraNam 7

dhareyoLu ninna mahimeya pogaLuvare sarasijOdbhava shESarigaridu

smaraNe mAtradi ajAmiLage muktiyanitta purandara viTTala nI jagadIshanendu

***

[8:57 PM, 12/5/2019] SURESH HULIKUNTI RAO: ಪುರಂದರದಾಸರು ನಿನ್ನ ನಂಬಿದೆ ನೀರಜನಯನ ಎನ್ನ ಪಾಲಿಸೊಇಂದಿರೆರಮಣ ಪ

ಮುನ್ನ ಪಾಂಚಾಲಿಯ ಮೊರೆಯ ಲಾಲಿಸಿ ಕಾಯ್ದಪನ್ನಗಶಯನ ನೀಪರಮಪುರುಷನೆಂದುಅ.ಪ

ಹರಿಸರ್ವೋತ್ತಮನಹುದೆಂಬ ಬಾಲಕನಹಿರಣ್ಯಕಶಿವು ಪಿಡಿದು ಬಾಧಿಸಲು ||ನರಹರಿ ರೂಪಿಂದಲವನ ವಕ್ಷವ ಸೀಳ್ದೆಪರಮವಿಶ್ವಾತ್ಮಕನಹುದೆಂದು ಮೊರೆ ಹೊಕ್ಕೆ1

ಪಾದವ ಪಿಡಿದು ನೀರೊಳಗೆಳೆದ ನಕ್ರನಬಾಧೆಗಾರದೆ ಕರಿಮೊರೆಯಿಡಲು ||ಆದಿ ಮೂರುತಿ ಚಕ್ರದಿಂದ ನಕ್ರನ ಕೊಂದವೇದಾಂತವೇದ್ಯ ಅನಾಥ ರಕ್ಷಕನೆಂದು 2

ಇಳೆಗೊಡೆಯನ ತೊಡೆ ನಿನಗೇತಕೆಂದು ಆಲಲನೆಕೈ ಪಿಡಿದೆಳೆಯಲರ್ಭಕನ ||ನಳಿನಾಕ್ಷ ನಿನ್ನನೆದೆಯೊಳಿಟ್ಟು ತಪವಿರ್ದಬಲು ಬಾಲಕಗೆ ಧ್ರುವ ಪಟ್ಟಿಗಟ್ಟಿದನೆಂದು 3

ಸುದತಿಗೌತಮಸತಿ ಮುನಿಶಾಪದಿಂದಲಿಪಢದಿ ಪಾಷಾಣವಾಗಿ ಬಿದ್ದಿರಲು ||ಮುದದಿಂದಲಾಕೆಯಮುಕ್ತಮಾಡಿದಯೋಗಿಹೃದಯ ಭೂಷಣ ನಿನ್ನ ಪದ ವೈಭವವ ಕಂಡು 4

ಪರಮಪಾವನೆ ಜಗದೇಕಮಾತೆಯನುದುರುಳರಾವಣ ಪಿಡಿದು ಕೊಂಡೊಯ್ಯಲು ||ಶರಣೆಂದು ವಿಭೀಷಣ ಚರಣಕೆರಗಲಾಗಿಸ್ಥಿರಪಟ್ಟವನು ಕೊಟ್ಟ ಜಗದೀಶ ನೀನೆಂದು 5

ಅಂಬರೀಷನೆಂಬನೃಪತಿದ್ವಾದಶಿಯನುಸಂಭ್ರಮದಿಂದ ಸಾಧಿಸುತಿರಲು ||ಡೊಂಬೆಯಿಂದದೂರ್ವಾಸಶಪಿಸಲಾಗಿಬೆಂಬಿಡದಲೆ ಚಕ್ರದಿಂದ ಕಾಯ್ದವನೆಂದು 6

ಧರೆಯೊಳು ನಿಮ್ಮ ಮಹಿಮೆಯ ಪೊಗಳ್ವಡೆಸರಸಿಜೋದ್ಭವ-ಶೇಷಗಸದಳವು ||ಸ್ಮರಣೆಮಾತ್ರದಿ ಅಜಾಮಿಳಗೆ ಮೋಕ್ಷವನಿತ್ತಪುರಂದರವಿಠಲ ಜಗದೀಶ ನೀನೆಂದು7
***