ನಾರಾಯಣ ನಿನ್ನ ನಂಬಿದೆ ಲಕ್ಷ್ಮೀ ನಾರಾಯಣ ankita rangavittala NARAYANA NINNA NAMBIDE LAKSHMEE NARAYANA

ನಾರಾಯಣ ನಿನ್ನ ನಂಬಿದೆ ಲಕ್ಷ್ಮೀ-

ನಾರಾಯಣ ನಿನ್ಹೊರತು ಪೊರೆವ ದೈವವೆಲ್ಲಿದೆ ll ಪ ll

ನಾ ಮೀರಿ ದುಷ್ಕರ್ಮವ ಮಾಡಿದೆ

ಅಪಾರಾಮಹಿಮ ದಯಾನಿಧೇ ll ಅ ಪ ll

ನಾನಾ ಯೋನಿಗಳಿಂದ ಬಂದೆನೋ

ಮಾನತಾಳಲಾರದೆ ಬಲು ನೊಂದೆನೋ 

ದೀನರಕ್ಷಕ ಎನ್ನ ಗತಿ ಮುಂದೇನೋ

ಮಾನದಿಂದಲಿ ಪಾಲಿಸುವಂಥ ದೊರೆ ನೀನೋ ll 1 ll

ದಾಸರ ಮನ ಉಲ್ಲಾಸನೆ 

ಶ್ರೀಶ ಆಶ್ರಿತ ಜನರ ಪೋಷನೆ

ಸಾಸಿರ ಅನಂತಮಹಿಮನೆ 

ಕ್ಲೇಶನಾಶ ಮಾಡಿಸೋ ಶ್ರೀನಿವಾಸನೆ ll 2 ll

ರಂಗನಗರ ಉತ್ತುಂಗನೆ 

ಗಂಗಾಜನಕ ಗರುಡತುರಂಗನೆ ಉ-

ತ್ತುಂಗ ಗುಣಗಳಂತರಂಗನೆ ಅ-

ನಂಗನ ಪೆತ್ತ ರಂಗವಿಠಲನೆ ll 3 ll

*******

ರಾಗ - ಶಂಕರಾಭರಣ  ತಾಳ - ಅಟ್ಟತಾಳ (raga, taala may differ in audio)

ರಾಗಶಂಕರಾಭರಣ ಅಟ್ಟತಾಳ

ನಾರಾಯಣ ನಿನ್ನ ನಂಬಿದೆ , ಲಕ್ಷ್ಮೀ-
ರಮಣ ನಿನ್ಹೊರತು ಪೊರೆವ ದೈವವೆಲ್ಲಿದೆ ||ಪ||
ನಾ ಮೀರಿ ದುಷ್ಕರ್ಮವ ಮಾಡಿದೆ
ಅಪಾರಮಹಿಮ ದಯಾನಿಧೇ ||ಅ.ಪ||

ನಾನಾ ಯೋನಿಗಳಿಂದ ಬಂದೆನೋ
ಮಾನ ತಾಳಲಾರದೆ ಬಲು ನೊಂದೆನೋ
ದೀನರಕ್ಷಕ ಎನ್ನ ಗತಿ ಮುಂದೇನೋ
ಮಾನದಿಂದಲಿ ರಕ್ಷಿಸುವಂಥ ದೊರೆ ನೀನೋ ||೧||

ದಾಸರ ಮನ ಉಲ್ಲಾಸನೆ
ಶ್ರೀಶ ಆಶ್ರಿತ ಜನರ ಪೋಷನೆ
ಸಾಸಿರ ಅನಂತ ಮಹಿಮನೆ
ಕ್ಲೇಶ ನಾಶಪಡಿಸೋ ಶ್ರೀನಿವಾಸನೆ ||೨||

ರಂಗನಗರ ಉತ್ತುಂಗನೆ
ಗಂಗಾಜನಕ ಗರುಡತುರಂಗನೆ ಉ-
ತ್ತುಂಗ ಗುಣಗಳಂತರಂಗನೆ ಅ-
ನಂಗನ ಪೆತ್ತ ರಂಗವಿಠಲನೆ ||೩||
*********