ರಾಮ ರಾಮೆನ್ನಿರೋ ಮುಖ್ಯ ತಾ ಕಾರಣಾ ankita mahipati

ನಂದ ರಾಗ , ಝಂಪೆತಾಳ

ರಾಮ ರಾಮೆನ್ನಿರೋ ಮುಖ್ಯ ತಾ ಕಾರಣಾ
ನೇಮದಿಂದಾಯಿತು ಅಹಲ್ಯೋದ್ಧಾರಣಾ
ರೋಮ ರೋಮಕ ತಾ ಮ್ರೇಮ ಬಾ ಹೋಗುಣಾ
ನಾಮಸ್ಮರಿಸಿ ದಶರಥಾತ್ಮಜನಾ ||ಪ||

ಒಮ್ಮೆ ಸ್ಮರಿಸಿರೋ ರಾಮರಾಮೆಂದು ತಾ
ಸುಮ್ಮನೇ ಬಾಹುದು ಸಾರಸ ಅಮೃತಾ
ತಮ್ಮನಾ ಜೀವನಾ ಪಡೆದ ಸಂಜೀವ ತಾ
ಝಮ್ಮನೇ ಹಾದಿ ಮಾಡಿತು ಸಮುದ್ರ ತಾ ||೧||

ರಾಮರಾಮೆನ್ನಲು ಸಾಮರಾಜ್ಯಾಹುದು
ನೇಮದಿಂದೆನ್ನಿರೋ ಶ್ರಮ ನೀಗಿ ಹೋಹುದು
ನಾಮ ಕೊಂಡಾಡಲು ರಾಮನ ತಾಹುದು
ಸುಮ್ಮನೆಯಾದರೆ ತಾ ಮನೆ ಬಾಹುದು ||೨||

ರಾಮ ರಾಮೆಂದರೆ ತಾ ಬ್ರಹ್ಮರಾಕ್ಷಸ ತಾ
ಸುಮ್ಮನೆ ಓಡಿ ಹೋಗುದು ತಾತ್ಕಾಲ ತಾ
ನಾಮ ಸೇವಿಸಲು ಘಮ್ಮನ್ಹೊಳೆದು ತಾ
ಝಮ್ಮನೇ ಬಾಹುದು ಭಾಗ್ಯ ಕೈಗೊಟ್ಟು ತಾ ||೩||

ರಾಮನಾಮವೆ ತಾ ಪಾಪಕೆ ಎರವುತಾ
ನಾಮ ತೇಲಿಸಿತು ನೀರೊಳು ಎರವುತಾ
ನೇಮದಿಂದಾರ ಭಕ್ತರರಹುತಾ
ಸೀಮೆ ಕೈಗೊಟ್ಟಿತು ಭಕ್ತಗ ಶಾಶ್ವತಾ ||೪||

ನಾಮವೆ ಕಪಿಕುಲವ ತಾರಿಸಿತು
ಸೋಮಶೇಖರಗೆ ತಾ ಪ್ರಿಯವಾಯಿತು
ಗ್ರಾಮನಂದಿಯಲಿ ನೇಮ ಪೂರಿಸಿತು
ರೋಮ ರೋಮೆಲ್ಲಾ ಭರತಗೆ ಸುಖವಾಯಿತು ||೫||

ಸ್ವಾಮಿ ಶ್ರೀರಾಮನಾಮ ಸು ಅಮೃತಾ
ಕಾಮ ಪೂರಿಸುವ ಕಾಮಧೇನುವೇ ತಾ
ನೇಮದಿಂದಾಗುವಾ ಮಹಿಪತಿಗ್ಹಿತಾ
ರಾಮರಾಜ್ಯವೆ ಎನ್ನೊಳಗಾಗೇದ ತಾ ||೬||
****

ರಾಮರಾಮೆನ್ನಿರೋ ಮುಖ್ಯ ತಾ ಕಾರಣ ನೇಮದಿಂದಾಯಿತು ಅಹಲ್ಯೋದ್ದರಣ ರೋಮರೋಮಕೆ ತಾ ಪ್ರೇಮ ಬಾಹಗುಣ ನಾಮಸ್ಮರಿಸಿ ದಶರಥಾತ್ಮಜನ 1 

ಒಮ್ಮೆ ಸ್ಮರಿಸಿರೊ ರಾಮರಾಮೆಂದು ತಾ ಸುಮ್ಮನೆ ಬಾಹುದು ಸಾರದ ಅಮೃತ ಸಂಜೀವ ತಾ ಝಮ್ಮನೆ ಹಾದಿಮಾಡಿತು ಸಮುದ್ರ ತಾ 2 

ರಾಮರಾಮೆನ್ನಲು ಸಾಮರಾಜ್ಯಹುದು ನೇಮದಿಂದೆನ್ನಿರೊ ಶ್ರಮ ನೀಗೋಗುದು ನಾಮ ಕೊಂಡಾಡಲು ರಾಮನಂತಾಹುದು ಸುಮ್ಮನೆಯಾದರೆ ತಾಮಸ ಬಾಹುದು 3 

ರಾಮರಾಮೆಂದರೆ ಬ್ರಹ್ಮರಾಕ್ಷಸ ತಾ ಸುಮ್ಮನೆ ಒಡಿಹೋಗುದು ತಾತ್ಕಾಲತಾ ನಾಮ ಸೇವಿಸಲು ಸುಮ್ಮಲ್ಹೊಳೆದು ತಾ ಝಮ್ಮನೆ ಬಾಹುದು ಭಾಗ್ಯ ಕೈಕೊಟ್ಟು ತಾ 4 

ರಾಮನಾಮವೆ ತಾ ಪಾಪಕೆ ತಾ ನಾಮ ತೇಲಿಸಿತು ನೀರೊಳು ಪರ್ವತ ನೇಮದಿಂದಾದರ ಭಕ್ತರರಹುತಾ ಸೀಮಿ ಕೈಕೊಟ್ಟಿತು ಭಕ್ತಗೆ ಶಾಶ್ವತ 5 

ನಾಮವೆ ಕಪಿಕುಲವ ತಾರಿಸಿತು ಸೋಮಶೇಖರಗೆ ತಾನೆ ಪ್ರಿಯಾಯಿತು ಗ್ರಾಮನಂದಿಯಲಿ ನೇಮಪೂರಿಸಿತು ರೋಮರೋಮೆಲ್ಲ ಭರತಗ ಸುಖವಾಯಿತು 6 

ಸ್ವಾಮಿ ಶ್ರೀರಾಮನಾಮ ಸುಅಮೃತ ಕಾಮಪೂರಿಸುವ ಕಾಮಧೇನುವೆ ತಾ ನೇಮದಿಂದಾಗುವ ಮಹಿಪತಿಗಿಂತ ರಾಮರಾಜ್ಯವೆ ಎನ್ನೊಳಗಾಗೆದ ತಾ 7

****