ನಿನ್ನ ಮಹಿಮೆಗಳೆಲ್ಲ ನೀನೆ ಬಲ್ಲೈಯ್ಯ ankita prasannavenkata

 ಶ್ರೀ ಪ್ರಸನ್ನವೇಂಕಟದಾಸರ ಕೃತಿ 

 ರಾಗ ಬೃಂದಾವನ ಸಾರಂಗ     ಖಂಡಛಾಪುತಾಳ 

ನಿನ್ನ ಮಹಿಮೆಗಳೆಲ್ಲ ನೀನೇ ಬಲ್ಲೆಯ್ಯ ॥ ಪ ॥
ಚಿನುಮಯ ಗರುಡಗಿರಿ ಮಾನ್ಯ ತಿಮ್ಮಯ್ಯ ॥ ಅ ಪ ॥

ನಿಜರಾಣಿಗಂಘ್ರಿ ನಖ ನಿಜವು ತಿಳಿಯದ ಮಹಿಮ ।
ವ್ರಜದಿ ವದನದಿ ತಾಯ್ಗೆ ತ್ರಿಜಗ ತೋರಿದ ಮಹಿಮ ॥
ಅಜ ಫಣಿಗಳುಗ್ಗಡಿಸೆ ಅಜಮಿಳ ರಕ್ಷಕ ಮಹಿಮ ।
ಭಜಕರನು ಬಿಡದೆ ಸದಾ ಸಂರಕ್ಷಿಸುವ ಮಹಿಮ ॥ 1 ॥

ನಿಲ್ಲುವ ಮುನಿಮನದಿ ಚೆಲ್ವ ಚರಣದ ಮಹಿಮ ।
ಬಲ್ಲಿದ ಬಲಿಯ ಕೆಳಗೊತ್ತಿದ ಮಹಿಮ ॥
ಖುಲ್ಲರಿಗೆ ದೊರಕದ ಮಹಿಮ ಗೊಲ್ವೆಂಗಳೆರ ।
ಭುಲ್ಲೈಪ ಘನಮಹಿಮೆ ಅಮಿತ ಸದ್ಗುಣಧಾಮ ॥ 2 ॥

ವೈಕುಂಠ ಮಂದಿರದಿ ಮುಕುತರೊಂದಿತ ಮಹಿಮೆ ।
ಗೋಕುಲದಿ ಗೊಲ್ಲರ ಆಕಳಕಾಯ್ದ ಮಹಿಮೆ ಅ - ॥
ನೇಕ ಜಾಂಡದಿ ಪೂರ್ಣನಾಗಿ ತೋರಿದ ಮಹಿಮೆ ।
 ಪ್ರಸನ್ವೆಂಕಟಾದ್ರಿಯ ಮೇಲೆ ಮೆರೆವ ಮಹಿಮೆ ॥ 3 ॥
***********

by ಪ್ರಸನ್ನವೆಂಕಟದಾಸರು
ನಿನ್ನ ಮಹಿಮೆಗಳೆಲ್ಲ ನೀನೆ ಬಲ್ಲೈಯ್ಯ ವರದಚಿನ್ಮಯ ಗರುಡಗಿರಿಯ ಮಾನ್ಯ ತಿಮ್ಮ್ಮಯ್ಯ ಪ.

ನಿಜರಾಣಿಗಂಘ್ರಿನಖನಿಜವು ತಿಳಿಯದ ಮಹಿಮೆವ್ರಜದಿ ವದನದಿ ತಾಯ್ಗೆತ್ರಿಜಗತೋರಿದ ಮಹಿಮೆಅಜಫಣಿಗಳುಗ್ಘಡಿಪ ಮಹಿಮೆಮಂದಅಜಮಿಳ ಬೆದರ್ಯೊದರೆ ಭಜಕನಾದ ಮಹಿಮೆ 1

ನಿಲ್ಲದಾ ಮುನಿಮನದಿ ಚೆಲ್ವ ಚರಣದ ಮಹಿಮೆಬಲ್ವಿಂದ ಉಂಗುಟದಿ ತಳ್ವೆಂಗದ ಮಹಿಮೆದುರ್ಲಭ ಮಮರಿಗೆ ನೋಟ ಮಹಿಮೆ ಆಗೊಲ್ವೆಂಗಳೇರ ನೋಡಿ ಭುಲ್ಲೈಪ ಮಹಿಮೆ 2

ವೈಕುಂಠ ಮಂದಿರದಿ ಮುಕುತರೊಂದಿತ ಮಹಿಮೆಗೋಕುಲದಿ ಗೊಲ್ಲರೊಳು ಆಕಳ ಕಾಯುವ ಮಹಿಮೆ ಅನೇಕಜಾಂಡದಿ ಪೂರ್ಣ ಮಹಿಮೆ ಪ್ರಸನ್ವೆಂಕಟಾದ್ರಿಯ ಮೇಲೆ ಏಕೈಕ ಮಹಿಮೆ 3
*******