ಇನ್ನಿವನು ಈಗ ಬರಲಿದಕೆ ಬಗೆಯೇನು ankita rangavittala

ರಾಗ : ಮುಖಾರಿ  ತಾಳ : ಝಂಪೆ

ಇನ್ನಿವನು ಈಗ ಬರಲಿದಕೆ ಬಗೆಯೇನು

ಚೆನ್ನಾಗಿ ಪೇಳೆ ರಮಣಿ                                ||ಪ||

ಮನ್ನಿಸಿ ಮಮತೆಯಲಿ ಮನವ ಸೆಳೆಕೊಂಡೊಯ್ದು

ಅನ್ಯರನು ಕೂಡುವನೆ ಕೆಳದಿ ಕೆಳದಿ                    ||ಅ.ಪ||

ಬಣ್ಣದ ಗಿಣಿ ಬರೆದ ಸಣ್ಣ ಕುಪ್ಪಸವುಳ್ಳ

ಚಿನ್ನದ ಶ್ರೀರೇಖೆ ಸೀರೆ

ಬಿನ್ನಣವುಳ್ಳ ಬಿಳಿಯೆಲೆ ಅಡಿಕೆ ಕೆನೆಸುಣ್ಣ

ಕರ್ಪೂರ ಕಾಚಿನುಂಡೆ

ಕಣ್ಣಿಗಿಂಪಾದ ಕಡುಚೆಲ್ವ ಮಲ್ಲಿಗೆ ಮೊಗ್ಗೆ

ಉನ್ನತವಾದ ದಂಡೆ

ಇನ್ನು ಈ ಪರಿಮಳವು ಬಗೆಬಗೆಯ ಆಭರಣ

ರನ್ನ ಕೆತ್ತಿಸಿದ ಗೊಂಡೆ

ಮುನ್ನ ಸಿಂಗರ ಮಾಡಿ ಎದೆ ಹಿಡಿದು ಬಿಗಿಯಪ್ಪಿ

ನಿನ್ನ ಈ ವೇಳೆ ಕೂಡಿದೆ ದೃಢದೆ                        ||೧||

ಈಗಾಗ ಬಾಹನೆಂತಿರುವೆ ತಾನೂರಿದ್ದ

ಉಗುರು ಗುರುತನು ನೋಡುತ

ಸೋಗೆಗಣ್ಣಿನ ಕಾಡಿಗೆಯ ಕಲಕಿದನೆಂದು

ಬೇಗ ನಟನೆಯ ಮಾಡುತ

ರಾಗದಿಂದಲಿ ರವಿಕೆ ನೆರಿಯನು ಬದಲುಟ್ಟು

ಭೋಗಕ್ಕೆ ಅನುವಾಗುತ

ಹೀಗೆ ಸಿಂಗರಿಸಿಕೊಂಡಿಷ್ಟು ಹೊತ್ತನು ಕಳೆದೆ

ಹೇಗೆ ಸೈರಿಪೆ ಕೊಡದೆ ಮುಂದೆ                        ||೨||

ಇಂದಲ್ಲದಿರೆ ನಾಳೆ ಬಹನೆಂದು ಇದ್ದರೆ

ಕಂದರ್ಪ ಕಾಡುತಿಹನೆ

ತಂದು ತೋರಿಸು ತನ್ನ ತಂದೆಯನೆಂದು ಪೂ

ವಿಂದ ಬಾಣವ ಎಸೆವನೆ

ಇಂದುಬಿಂಬವು ಮಂದಮಾರುತವು ಸುಮದ ಮಳೆ

ಯಿಂದ ಸೆಕೆಗಾನಾರೆನೆ

ಒಂದು ನಿಮಿಷದಲಿ ಶ್ರೀರಂಗವಿಠಲನನ್ನು

ಹೊಂದಿಸೆನ್ನಗಲದಂತೆ ಕಾಂತೆ                            ||೩||

***

Innivanu Iga baralidake bageyenu

Cennagi pele ramani ||pa||

Mannisi mamateyali manava selekondoydu

Anyaranu kuduvane keladi keladi ||a.pa||

Bannada gini bareda sanna kuppasavulla

Cinnada srireke sire

Binnanavulla biliyele adike kenesunna

Karpura kacinunde

Kanniginpada kaducelva mallige mogge

Unnatavada damde

Innu I parimalavu bagebageya abarana

Ranna kettisida gonde

Munna singara madi ede hididu bigiyappi

Ninna I vele kudide drudhade ||1||

Igaga bahanentiruve tanuridda

Uguru gurutanu noduta

Sogegannina kadigeya kalakidanendu

Bega nataneya maduta

Ragadindali ravike neriyanu badaluttu

Bogakke anuvaguta

Hige singarisikondishtu hottanu kalede

Hege sairipe kodade munde ||2||

Indalladire nale bahanendu iddare

Kandarpa kadutihane

Tandu torisu tanna tandeyanendu pu

Vinda banava esevane

Indubimbavu mandamarutavu sumada male

Yinda sekeganarene

Ondu nimishadali srirangavithalanannu

Hondisennagaladante kante ||3||

***