ನಾರೇರೆಲ್ಲ ಬನ್ನಿ ನಾರಾಯಣನು ನಾರಿಯಾದ purandara vittala NAARERELLA BANNI NARAYANANU NAARIYAADA

 ನಾರೇರೆಲ್ಲ ಬನ್ನಿ 

ನಾರಾಯಣನು ನಾರಿಯಾದ || ಪ 

ನಾರಾಯಣನು ನಾರಿಯಾದ 

ಅಸುರರಿಗೆಲ್ಲ ಮೋಹಿನಿಯಾದ || ಅಪ ||

ನಾರಾಯಣನು ನಾರಿಯಾದ 

ಬಲು ವೈಯ್ಯಾರ ಬಲು ಶೃಂಗಾರ

ಕಾಲಲಂದುಗೆ ಗೆಜ್ಜೆ 

ಹಂಸದ ನಡಿಗೆಗಳಂತೆ ಹೆಜ್ಜೆ

ಜಗದ ನಾರಿಯರಂತೆ ಲಜ್ಜೆ 

ಕೈಯಲಿ ಹಿಡಿದ ಬೆಣ್ಣೆಯ ಮುದ್ದೆ || ೧ ||

ಆಣಿ ಮುತ್ತಿನ ಸರ 

ನೋಡೆ ಆಕೆ ಕುಚದ ಭಾರ

ನಾರಿ ಮಣಿಯ ಜಡೆ ವಯ್ಯಾರ 

ಉಂಗುರವಿಟ್ಟಂಥ ಕರ || ೨ ||

ಬುಲಾಕಿನ ಬೆಳಕು 

ಏಕಾದಣಿ ಒಂಟಿ ಥಳಕು

ವಾಲೆ ಸರಪಳಿ ಆಡೋ ಕುಲುಕು 

ಕನ್ನಡಿಯಂದದಿ ಹೊಳೆವ ಕದಪು || ೩ ||

ವಾಲೆ ಚಳ ತುಂಬಿಟ್ಟು 

ಜರಿಗೆ ಸೀರೆ ನೆರಿಗೆ ಹಿಡಿದಿಟ್ಟು

ಸಣ್ಣ ನಡುವಿಗೆ ಚಿನ್ನದ ಕಟ್ಟು 

ಕನ್ನಡಿ ಹಾಕಿದ ಕುಪ್ಪಸ ತೊಟ್ಟು || ೪ ||

ಕರಣ ಬಾವುಲಿ ಕೆಂಪು 

ನೋಡೆ ಆಕೆ ಮುಖದ ಸೊಂಪು

ಎಳೆಮಾವಿನ ನೆರಳ ಕಂಪು 

ಕಣ್ಣಿಗೆ ಹಚ್ಚಿದ ಕಾಡಿಗೆ ಕಪ್ಪು || ೫ ||

ಮರುಗ ಮಲ್ಲಿಗೆ ದಂಡೆ 

ರಾಕಟಿ ಚೌರಿ ಹೆರಳ ಗೊಂಡೆ

ಜಡೆ ಬಂಗಾರ ವಲಿವುದ ಕಂಡೆ 

ಯೌವನ ಸ್ತ್ರೀಯಳು ಬರುವುದು ಕಂಡೆ || ೬ ||

ವಾಲೆ ಚಳ ತುಂಬಿನ ಮಾಟ 

ಮುತ್ತಿನ ಬುಗುಡಿ ವೋರೆ ನೋಟ

ಹಲಸು ಕಿತ್ತಳೆ ತೆಂಗಿನ ತೋಟ 

ರಂಭೆವನದೊಳಗಾಡೋ ಆಟ || ೭ ||

ಅರಿಸಿನ ಕುಂಕುಮ ತಟ್ಟೆ ಹಿಡಿದು 

ಮದಗಜಗಮನೆಯರೆಲ್ಲಾ ನೆರೆದು

ಜಯಜಯವೆಂದು ಕೂಗುತ ಬರಲು 

ಮೋಹಿನಿ ತಾನು ನಗುತಲಿರಲು || ೮ ||

ಚಂದ್ರ ಮುರುವಿನ ಚೆಂದ 

ಸುರರು ನೋಡೇ ಬ್ರಹ್ಮಾನಂದ

ಅವಳ ನೋಡಿ ನಾಚಿದ ಚಂದ್ರ 

ಮೋಹಿತನಾಗಿ ನಿಂತ ಶಿವನು || ೯ ||

ಹೊನ್ನು ಕಲಶವ ಪಿಡಿದು 

ಮದಗಜದಂತೆ ಮೆಲ್ಲನೆ ನಡೆದು

ಸುರರಿಗೆಲ್ಲ ಅಮೃತವೆರೆದು 

ದೈತ್ಯರಿಗೆಲ್ಲ ವಂಚಿಸಿ ಮೆರೆದು || ೧೦ ||

ಶೇಷಾಚಲ ವಾಸ ನಿನ್ನ ನಂಬಿದೆ ವೆಂಕಟೇಶ 

ಎನ್ನ ಸಲಹೋ ಶ್ರೀನಿವಾಸ 

ಅನುದಿನದಲ್ಲಿ ಭಕ್ತರ ಪೋಷ || ೧೧ ||

ಬಾಳೆ ಸುಳಿಯಂತೆ ಹೊಳೆಯುತ 

ನೀಲದಂತೆ ನೇತ್ರ ಹೊಳೆಯುತ

ನಾರಾಯಣ ಪುರಂದರ ವಿಠಲ 

ನರ್ತನ ಮಾಡುತ ಬರುವ ಬಗೆಯ || ೧೨ ||

naarErella banni 

naaraayaNanu naariyaada || pa 

naaraayaNanu naariyaada 

asurarigella mOhiniyaada || apa ||

naaraayaNanu naariyaada 

balu vaiyyaara balu shRuMgaara

kaalalaMduge gejje 

haMsada naDigegaLaMte hejje

jagada naariyaraMte lajje 

kaiyali hiDida beNNeya mudde || 1 ||

aaNi muttina sara 

nODe Ake kuchada bhaara

naari maNiya jaDe vayyaara 

uMguraviTTaMtha kara || 2 ||

bulaakina beLaku 

EkaadaNi oMTi thaLaku

vaale sarapaLi ADO kuluku 

kannaDiyaMdadi hoLeva kadapu || 3 ||

vaale caLa tuMbiTTu 

jarige sIre nerige hiDidiTTu

saNNa naDuvige cinnada kaTTu 

kannaDi haakida kuppasa toTTu || 4 ||

karaNa baavuli keMpu 

nODe Ake mukhada soMpu

eLemaavina neraLa kaMpu 

kaNNige haccida kaaDige kappu || 5 ||

maruga mallige daMDe 

raakaTi couri heraLa goMDe

jaDe baMgaara valivuda kaMDe 

youvana strIyaLu baruvudu kaMDe || 6 ||

vaale caLa tuMbina maaTa 

muttina buguDi vOre nOTa

halasu kittaLe teMgina tOTa 

raMbhevanadoLagaaDO ATa || 7 ||

arisina kuMkuma taTTe hiDidu 

madagajagamaneyarellaa neredu

jayajayaveMdu kUguta baralu 

mOhini taanu nagutaliralu || 8 ||

chaMdra muruvina cheMda 

suraru nODE brahmaanaMda

avaLa nODi naacida chaMdra 

mOhitanaagi niMta shivanu || 9 ||

honnu kalashava piDidu 

madagajadaMte mellane naDedu

surarigella amRutaveredu 

daityarigella vaMcisi meredu || 10 ||

shEShaacala vaasa ninna naMbide veMkaTESa 

enna salahO shrInivAsa 

anudinadalli bhaktara pOSha || 11 ||

baaLe suLiyaMte hoLeyuta 

nIladaMte nEtra hoLeyuta

naaraayaNa puraMdara viThala 

nartana maaDuta baruva bageya || 12 ||

****