ಭಯವಿರದ ಭಾರತವ ಕಟ್ಟಲೋಸುಗ others rss

  

RSS song .

ಭಯವಿರದ ಭಾರತವ ಕಟ್ಟಲೋಸುಗ ಬನ್ನಿ

ಜಯಧ್ವನಿಯ ಜಗದಗಲ ಮೊಳಗಿಸುವ ಬನ್ನಿ ||ಪ||

ಹಿಂದು ಹೆದ್ದೆರೆಯಲ್ಲಿ ಕೊಚ್ಚಿ ಹೋಗಲಿ ಭೇದ

ಬಂಧುತ್ವ ಹಿರಿದಾಗಿ ರಾಷ್ಟ್ರಬೋಧ

ಸಿಂಧುವಿನ ಸೆರಗಿನಲಿ ಉಗ್ರತೆಯು ಬೆಳೆಯುತಿದೆ

ಮುಂದಾಗಿ ಎದುರಿಸುವ ಕ್ಷಾತ್ರಯೋಧ ||೧||

ದೈನ್ಯವೇತಕೆ ನಿನಗೆ ಮಾನ್ಯ ಭಾರತಿಪುತ್ರ

ಕಪಿಸೈನ್ಯ ಸಾಗರವ ದಾಟಿಲ್ಲವೇನು?

ವೈನತೇಯನು ತಂದ ಪೀಯೂಷವಿರುವಾಗ

ಸಾವೆಂಬ ವಿಷಸರ್ಪಕಂಜಲೇನು? ||೨||

ಭಾರತದ ಬಹುಳತೆಗೆ ಹಿಂದುತ್ವವಡಿಪಾಯ

ಮರೆಯದಿರು ಮುರಿಯದಿರು ಸೇತುಬಂಧ

ಕರೆಯದೇ ಬಂದವರು ಉಳಿದುಕೊಂಡಿಹರಿಲ್ಲಿ

ಉರುಳಾಗದಿರಲಿ ದಯೆ ಔದಾರ್ಯವು ||೩||

ಭ್ರಮೆಯ ಸೇವೆಯ ನೆಪದಿ ಪರಮತದ ಆಕ್ರಮಣ

ತಮಕೆ ತುತ್ತಾಗುತಿದೆ ನಮ್ಮ ಗೋವು

ಅಮರನಾಥದಿ ಮೆರೆದ ಏಕತೆಯೆ ಪ್ರೇರಣೆಯು

ಸಮರವಾದರು ಸರಿಯೆ ಸಿದ್ಧನಾವು ||೪||

***