ರಾಗ : ಪಂತುವರಾಳಿ ತಾಳ : ಅಟ್ಟ
ನಂಬೆಲೋ ಪಾದ ಪೊಂದಲೋ । ಮನದ ।
ಹಂಬಲ ನೀಡುವ ಶ್ರೀಪತಿದಾಸರ ।। ಪಲ್ಲವಿ ।।
ಶ್ರೀನಿಕೇತನ ಧಾರುಣೀಪತಿ ದಶರಥ ।
ಕ್ಷೋಣಿಪ ಜಾತ ವಿಠ್ಠಲ ದಾಸರ ।
ಮೇಣು ಕಾರುಣ್ಯವ ಪಡೆದು ಧರೆಯೊಳು । ಮ ।
ದ್ದಾನೆಯಂತೆ ಸಂಚಾರ ಮಾಡುವರನ್ನ ।। ಚರಣ ।।
ವೇದಗಿರೀ೦ದ್ರ ಧಾರುಣಿ ಪಾಲಕ ಬಾಲಾ ।
ಮೇದಿನಿ ಬೇಡಿದ ಬುಧ ರಾಮ ।
ಯಾದವ ಸರ್ವಜ್ಞ ಹಯಮೊಗನಾದ ।
ಅನಾದಿ ಮೂರುತಿಯ ಸಂತತ ಧೇನಿಪರನ್ನ ।। ಚರಣ ।।
ಇಂದ್ರ ವಿಜಯ ಗೋಪಾಲ ಮೋಹನ ।
ವೇಣು ಚಂದದಿ ಶ್ರೀ ವೇದವ್ಯಾಸ । ರಾಘ ।
ವೇಂದ್ರದಾಸಾಚಾರ್ಯರಿಂದ ಪಾಲಿತ ಎನ್ನ ।
ತಂದೆ ಶ್ರೀಪತಿ ವಿಠ್ಠನ ದಾಸಾರ್ಯರ ನಂಬಿರೋ ।। ಚರಣ ।।
***
No comments:
Post a Comment