ನಮೋ ನಮೋ ಸುಶೀಲೇಂದ್ರ ಗುರುವರಿಯ ankita shyamasundara susheelendra teertha stutih

 ..

ನಮೋ ನಮೋ ಸುಶೀಲೇಂದ್ರ | ಗುರುವರಿಯ ವೈಷ್ಣವ

ಸುಮತವಾರಿಧಿ ಚಂದ್ರ | ಸಕುವಿ ಸಂಸ್ತುತ |

ಅಮಿತ ಸದ್ಗುಣ ಸಾಂದ್ರ || ಸುಮತಾಹಿವೀಂದ್ರ ಪ

ನಮಿಪ ಜನರಿಗೆ ಅಮರ ಭೂರುಹ

ಸಮಸುಖಪ್ರದ ವಿಮಲ ಚರಿತನೆ

ಯಮಿವರ್ಯ ಸುವೃತೀಂದ್ರ ಮಾನಸ

ಕಮಲರವಿ ಮಹಿ ಸುಮನಸಾಗ್ರಣಿ ಅ.ಪ

ಅಸಮ ಮಹಿಮೋದರ | ತವಸುಪ್ರಭಾವವ

ವಶವೆ ಪೊಗಳಲು ಧೀರಾ | ಸುಜನ ವಂದಿತ

ಸ್ವಶನ ಸುಮತೋದ್ಧಾರ || ದಯ ಪಾರವಾರ ||

ವಸುಧೆಯೊಳು ಮೊರೆಹೊಕ್ಕ ಜನರಿಗೆ

ಕುಶಲಪ್ರದ ನೀನೆಂದು ಬುಧ ಜನ

ಉಸುರುವದು ನಾ ಕೇಳಿ ನಿನ್ನ ಪದ

ಬಿಸಜ ನಂಬಿದೆ ಪೋಷಿಸನುದಿನ 1

ದೀನಜನ ಸುಖದಾತ | ಸುಕೃತೀಂದ್ರ ಕೋಮಲ

ಪಾಣಿ ಪದ್ಮ ಸುಜಾತ | ಜಯವಂತ ಜಿತಸ್ಮರ

ಬಾಣಲೋಕ ವಿಖ್ಯಾತÀ || ದ್ವಿಜಕುಲಕೆ ನಾಥ ||

ಕ್ಷೋಣಿಯೊಳು ನೀ ಒಲಿದ ಮಾತ್ರದಿ

ಮೌನಿವರ್ಯ ಶ್ರೀ ರಾಘವೇಂದ್ರರು

ಸಾನುರಾಗದಿ ಸಲಹುವರು ಪವ

ಮಾನ ಶಾಸ್ತ್ರ ಪ್ರವೀಣ ಜಾಣ 2

ಪಿಂಗಲೇಂದ್ರ ಪ್ರಕಾಶ | ಸುಪವಿತ್ರ ವರದತ

ರಂಗಿಣಿ ತಟವಾಸ | ಸದ್ಧರ್ಮ ಸ್ಥಾಪಕ

ಮಂಗಳಾಂಗ ಯತೀಶ | ಪಾಪೌಘನಾಶ ||

ತುಂಗವಿಕ್ರಮ ಶಾಮಸುಂದರನಂಘ್ರಿ ಕಮಲಕೆ

ಭೃಂಗ ಭವಗಜಸಿಂಗ ಕರುಣಾ

ಪಾಂಗದೀಕ್ಷಿಸೆ ಇಂಗಿತಜ್ಞರ ಸಂಗಪಾಲಿಸು 3

***