ಮುಂದೆ ಭಲಾ ಎಂದು ಹಿಂದಾಡಿಕೊಂಬರ ಸಂಗ ಬೇಡ purandara vittala

ಮುಂದೆ ಭಲಾ ಎಂದು ಹಿಂದಾಡಿಕೊಂಬರ ಸಂಗ ಬೇಡ l

ಕುಂದು ನಿಂದೆಗಳ ಪವಾಡ ನೀಡುವರ ಪ್ರಸಂಗ ಬೇಡ ll ಪ ll

ತುದಿನಾಲಿಗೆ ಬೆಲ್ಲ ಎದೆ ಕತ್ತರಿಯವರ ಸಂಗ ಬೇಡ

ಹದವು ಮೀರಿದ ಮೇಲೆ ಹಲವನಾಡುವರ ಸಂಗ ಬೇಡ ll 1 ll

ಸ್ವೀಯಾವಗುಣ ಬಿಟ್ಟು ಪರರವಗುಣ ತೋರ್ಪ ಸಂಗ ಬೇಡ

ದಯೆ ಧರ್ಮ ದಾಕ್ಷಿಣ್ಯ ಅರಿಯದ ಮನುಜರ ಸಂಗ ಬೇಡ ll 2 ll

ವಿನಯ ವಿವೇಕವಿಲ್ಲದ ವಿದ್ವಾಂಸರ ಸಂಗ ಬೇಡ

ತನಗಿಲ್ಲದಂಥ ಬಂಟರ ಮಿತ್ರ ಜನರ ಸಂಗ ಬೇಡ ll 3 ll

ಅಡಿ ಅಳಕುವ ಅಜ್ಞಾನಿ ಮನುಜನ ಸಂಗ ಬೇಡ

ಕೂಡೆ ಕುಮತಿಗಳ ಕುಪಿತ ಮನುಜರ ಸಂಗ ಬೇಡ ll 4 ll

ತನ್ನ ಕಾರ್ಯಕ್ಕಾಗಿ ಪರರ ಕೆಡಿಸುವರ ಸಂಗ ಬೇಡ

ಚೆನ್ನ ಪುರಂದರವಿಟ್ಠಲನ್ನ ಹೊರತು ಪ್ರಸಂಗ ಬೇಡ ll 5 ll

***