ಕೋಲು ಕೋಲೆನ್ನ ಕೋಲೆ ಕೋಲು ಕೋಲೆನ್ನ ಕೋಲೆ ಕೋಲು ಶ್ರೀಹರಿಯಾ ankita sirigovinda vittala

ಕೋಲು ಕೋಲೆನ್ನ ಕೋಲೆ ಕೋಲು ಕೋಲೆನ್ನ ಕೋಲೆ

ಕೋಲು ಶ್ರೀಹರಿಯಾ ಬಲಗೊಂಬೆ ಕೋಲೆ ಪ

ಮೊದಲು ನಮ್ಮ ಗುರು ರಘುಪತಿಯ ಪಾದಕ್ಕೆ

ಮುದದಿಂದ ಎರಗಿ ಬಿನ್ನೈಪೆ ಕೋಲೆ

ಮುದದಿಂದ ಎರಗಿ ಬಿನ್ನೈಪೆ ಮನದಲ್ಲಿ

ಪದಮನಾಭನ್ನ ತೋರೆಂದು ಕೋಲೆ1

ಜನುಮ ಜನುಮದಲ್ಲಿ ಅನಿಮಿತ್ಯ ಬಂಧು

ನೀಯನಗೀಯೋ ನಮ್ಮ ಸೇವೆಯ ಕೋಲೆ

ಎನಾಗಿಯೋ ನಿಮ್ಮ ಸೇವೆಯ ತವ

ಪಾದವನು ಧ್ಯಾನ ಮರಿಯಾದೆ ಕೋಲೆ2

ಮೂಢನಾದ ಎನ್ನನೋಡಿ ಕರುಣವನು

ಮಾಡಿ ಹರಿಚರಣ ತೋರಿದ ಕೋಲೆ

ಮಾಡಿ ಹರಿಚರಣ ತೋರಿದ ನಿಮ್ಮ ದಯ

ಕೀಡುಂಟೆ ಜಗದಿ ಗುರುವರ್ಯ ಕೋಲೆ3

ಪತಿತನಾದವನಿಗೆ ಮತಿಯಿತ್ತು ಗುರು ಪ್ರಾಣ

ಪತಿಪಾದ ಮಹಿಮೆ ತೋರಿಸಿ ಕೋಲೆ

ಪತಿಪಾದ ಮಹಿಮಾ ತೋರಿಸಿ ಸ

ದ್ಗತಿ ಪಥsÀವನ್ನು ವಿಡಿಸಿದ ಕರುಣಿಯೆ ಕೋಲೆ 4

ಅನಾಥ ರಕ್ಷಕ ಆಪತ್ತು ಬಾಂಧವ

ಶ್ರೀನಿವಾಸನ್ನ ನಿಜದಾಸ ಕೋಲೆ

ಶ್ರೀನಿವಾಸನ್ನ ನಿಜದಾಸ ಮಮಕುಲ ಸ್ವಾಮಿಗೆ

ನಮಿಪೆ ಮನದಲ್ಲಿ ಕೋಲೆ 5

ಲಕುಮೀಶ ಹರಿ ದೇವಕಿ ತನಯಗೆ

ಸಕಲಾ ಕರ್ಮಗಳಾ ಅರ್ಪಿಸೆ ಕೋಲೆ

ಸಕಲಾ ಕರ್ಮಗಳಾ ಅರ್ಪಿಪೆ ನಮ್ಮಗುರು

ಸುಖನಿಧಿಗಳಿಗೆ ನಮಿಸುವೆ ಕೋಲೆ 6

ಆನಮಿಸುವೆ ಮಹಾನುಭಾವ ಗುರು

ನೇಮಕಲ್ಲಾರ್ಯರ ಚರಣಕ್ಕೆ ಕೋಲೆ

ನೇಮಕಲ್ಲಾರ್ಯರ ಚರಣಕ್ಕೆ ಕೋಸಗಿ

ಸ್ವಾಮಿರಾಚಾರ್ಯರ ಪಾದಕ್ಕೆ ಕೋಲೆ 7

ಪುರಂದರಾದಿ ದಾಸವರ್ಯರ ಸುಂದರ ಚರಣಕ್ಕೆ

ಎರುಗುವೆ ಭರದಿಂದ ಕೋಲೆ

ಭರದಿಂದ ಮುದಮುನಿ ಇವರನ್ನು

ತೋರಿ ಪೊರೆಯಂದು ಕೋಲೆ 8

ಅಂದದಿಂದ ಆನಂದತೀರ್ಥ ರಾಘ

ವೇಂದ್ರಾದಿ ಸಕಲ ವಿಭುದಾದಿ ಕೋಲೆ

ರಾಘವೇಂದ್ರಾದಿ ಸಕಲ ವಿಭುದ ಆ ಕರ್ಮಂ

ದೀಗಳಿಗೆ ನಮಿಸುವೆ ಕೋಲೆ 9

ವಾದಿರಾಜರ ದಿವ್ಯ ಪಾದಕ್ಕೆ ನಮಿಸುವೆ

ಸಾಧಿಸಿ ಕೊಡಲಿ ಸತತಾದಿ ಕೋಲೆ

ಸಾಧಿಸಿ ಕೊಡಲಿ ಸತತಾದಿ ಹರಿದಾಸ

ರಾದವರ ಸೇವೆಯನಗೆಂದು ಕೋಲೆ 10

ಗಣಪಾದಿಗಳು ಸುರಮುನಿ ಪಾದಗಳಿಗಾ

ನಮಿಸುವೆ ಮನಸಿಜ ಸುರಪಾಗ ಕೋಲೆ

ನಮಿಸುವೆ ಮನಸಿಜ ಸುರಪಾಗ ಭೂತ

ಗಣಪತಿ ಶೇಷರಪಾದ ಕಮಲಕ್ಕೆ ಕೋಲೆ 11

ಭಾರತೀವಾಣಿ ಗುರು ಮಾರುತಿ ಪಾದಕೆ

ಸಾರುತ ಈ ಪರಿ ಮಣಿಯುವೆ ಕೋಲೆ

ಸಾರುತ ಈ ಪರಿ ಮಣಿಯುತ ಹರಿಪಾದ

ತೋರುತ ಮನದಲ್ಲಿ ನಿಲಿಸೆಂದು ಕೋಲೆ 12

ಲಕ್ಷ್ಮೀದೇವಿಯೆ ಲಕ್ಷಣವಂತಿಯೆ

ಪಕ್ಷಿವಾಹನನ ಅರ್ಧಾಂಗಿ ಕೋಲೆ

ಪಕ್ಷಿವಾಹನನ ಅರ್ಧಾಂಗಿ ಭವದಿಂದ

ರಕ್ಷಿಸಲೆನ್ನ ತವಕಾದಿ ಕೋಲೆ 13

ಶಿರಿಗೋವಿಂದವಿಠಲ ವಿಶ್ವವ್ಯಾಪಕ

ಮರುತಾಂತರ್ಗತನೆ ಮುರರಿಪು ನಮ್ಮ

ಗುರುವರ್ಯರ ಪ್ರೀಯ ಸಲಹಯ್ಯ ಕೋಲೆ14

****