ಆತನೆಯನ್ನ ತಾತನು ರಘುನಾಥನಾಗಿ ತ್ರೇತಾಯುಗದಲಿ ankita sirigovinda vittala

by Askihala / Hasigyala GovindaDasaru 1873 -1915

by ಅಸ್ಕಿಹಳ / ಹಸಿಗ್ಯಾಳ ಗೋವಿಂದ ದಾಸರು 

ಆತ್ಮನಿವೇದನೆಯ ಕೀರ್ತನೆ

ಆತನೆಯನ್ನ ತಾತನು

ರಘುನಾಥನಾಗಿ ತ್ರೇತಾಯುಗದಲಿ

ಮೆರೆದಾತನೆಯನ್ನ ತಾತನು ಪ

ತಂದಿನ ಅಗಲಿದ ಕಂದ ಕಾನನದೊಳು

ಬಂದು ಅಂಗುಟ ಊರಿನಿಂದುತ್ವರಾ

ಇಂದಿರೇಶ ಭವಬಂಧ ಮೋಚಕ ಪೊರೆಯಂದೆನೆ

ಧೃವನಿಗೆ ಚಿರಪದವಿ ಕೊಟ್ಟಾತನೆಯನ್ನ ತಾತನು 1

ದುರುಳತನಪರಿಹರಿಸ ಬೇಕೆನೆ

ನರನರಸಿ ದ್ರೌಪದಿ ಮಾನವ ಪರಮಕರುಣಿ

ಮುರಹರನೆ ತಡಿಯದಲೆ ಪೊರೆಯನೆ

ತರುಣಿಯ ಮೊರೆ ಕೇಳಿದಂಥಾತನೆ 2

ಶಿರಿಗೋವಿಂದ ವಿಠಲ ವೇದ ವಂದಿತ

ಧರಣಿಜ ಪತಿ ಹರಿಪರನೆನ್ನುತ

ಪರಮ ಭಕುತಿಯಿಂದ ಸ್ಮರಿಸುವವರ

ಕರಪಿಡಿಯಲೋಸುಗ ತನ್ನ ಕರಚಾಚಿಕೊಂಡು ನಿಂತಾತನೆ 3

****